Historyja niespakojnaj siamji ź Sierabranki skončyłasia trahiedyjaj 15

Dom pa vulicy Haraŭca, 2 u minskaj Sierabrancy.

Pieradkvaternaja placoŭka i kalidor na čaćviortym paviersie vyhladaje horš za luby inšy ŭ padjeździe № 4. Mienavita tut, u kvateyr 124 žyvie siamja ałkaholikaŭ.

Na ścianie płastylinam napisany numar kvatery z strełkaj. Vidać, kab hości nie zabłudzili.

Barys Piatrovič žyvie pobač ź siamjoju z kvatery 124 nie adzin dziasiatak hadoŭ.

Andrej demanstruje «adpisku» na svoj zvarot na «haračuju liniju» Leninskaha ŽREA.

Pavodzie słovaŭ Taćciany, jaje kvateru na druhim paviersie «topiać» pa dva razy ŭ hod.

Hetaj abjavaj žycharoŭ sklikali na schod naprykancy maja.

«Adpiska» ad Leninskaj ŽREA.

U papiarovaj viersii «Našaj Nivy» (№ 20 ad 29 maja 2013) my pisali, jak žycharoŭ 4-ha padjezda doma № 2 na vulicy Haraŭca ŭ Minsku teraryzuje siamja ałkaholikaŭ. Jany šmatkroć zataplali susiedskija kvatery, ledź nie ŭčynili pažar, a taksama pieratvaryli padjezd u hramadskuju prybiralniu. Pry hetym žychary kazali, što žyvuć u takim stanoviščy piać hadoŭ.

U vyniku raźjušanyja susiedzi vyrašyli sabrać schod, kab vypracavać płan dziejańniaŭ. Bo pavodle ich słovaŭ, ni milicyja, ni kamunalnyja słužby nie rabili nijakich efiektyŭnych zachadaŭ dla vyrašeńnia prablemy.

«Ja byŭ źviarnuŭsia na haračuju liniju ŽREA Leninskaha rajona — kryčali ŭ 124-j kvatery nievynosna — i paskardziŭsia na šum. I voś pryjšoŭ mnie adkaz za podpisam dyrektara Karalkova. U im havorycca, što naš ŽES apytaŭ žycharoŭ susiednich kvateraŭ, ale fakty šumu nie paćvierdzili. Ja sam apytaŭ susiedziaŭ — ni da kaho nichto nie prychodziŭ, ni pra što nie pytaŭ. Zrazumieła, nichto tam ničoha rabić navat nie pačynaŭ», — raskazaŭ naprykancy maja karespandentu «NN» žychar doma Andrej i prademanstravaŭ adkaz ad ŽREA.

Nažal, ułady tak i nie paśpieli ŭmiašacca ŭ situacyju. Susied žycharoŭ padjezda № 4 paviedamiŭ «NN», što ŭ kancy červienia Hieorhija, ułaśnika toj samaj złaščasnaj 124-j kvatery, dastavili ŭ reanimacyju ź ciažkaj traŭmaj hałavy, jakuju jamu nanios sužyciel jaho dački. Mienavita jaho — sužyciela — žychary padjezda nazyvali hałoŭnym debašyram i parušalnikam spakoju.

A 12 lipienia karespandentu «NN» paviedamili, što źbity Hieorhij na hetym tydni pamior u reanimacyi tak i nie prychodziačy ŭ prytomnaść. Adzin z žycharoŭ doma raskazaŭ, što jon zusim niamnoha nie dažyŭ da svajho 60-hodździa i vychadu na piensiju.

0

0

0

0

0

0

Jaŭhien Krejda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH