Ich vyklikali na pracu ŭ vychodny dzień, paviedamiŭ sustaršynia BCHD Vital Rymašeŭski.
— Siońnia adbyłasia pravakacyja z boku režymu, tamu što ŭ dzień praviadzieńnia viciebskaha abłasnoha schodu ludziej pavyklikali na pracu, choć siońnia vychodny, terminova ź niekalkich rajonnych arhanizacyj, zrazumieła, tolki z toj metaj, kab jany nie trapili na hety abłasny schod viciebskaj haradskoj arhanizacyi. Voś takim čynam robiacca pieraškody. Biezumoŭna, va ŭłady niama namieru rehistravać rehijanalnyja abjadnańni, ale tym nie mienš my schody pravodzim, tamu što dziejnaść BCHD całkam lehalnaja i hetyja schody — jašče adzin dokaz taho, što BCHD nie rehistrujuć nie ź niejkich jurydyčnych pryčyn.
Pavodle słovaŭ Vitala Rymašeŭskaha, u pryvatnaści, na pracu terminova i biez papiaredžańnia byli vyklikanyja siabry BCHD z Navapołacka, Lepiela. Na aktyvistaŭ cisnuć rehijanalnyja supracoŭniki KDB, jakija pahražajuć «prablemami» za ŭdzieł u takich źjezdach chryścijanskich demakrataŭ, adznačyŭ Vital Rymašeŭski, jaki padkreśliŭ, što sproby zarehistravacca BCHD nie pakinie, niahledziačy na šmatlikija admovy Ministerstva justycyi.
