Łana Del Rej prylacieła ŭ Minsk, kancert adbudziecca 5

U Kijevie ŭ paniadziełak Łana sabrała anšłah, hledačy prastajali ŭvieś kancert.

Intryha, što budaražyła rozumy amataraŭ muzyki apošnija niekalki dzion, vyčarpana. Čaroŭnaja amierykanskaja śpiavačka Łana Del Rej prylacieła ŭ Minsk i 12 červienia źbirajecca dać kancert u «Minsk-Arenie»,

— paviedamili NN arhanizatary.

Nahadajem, što z-za chvaroby śpiavački — u jaje zabaleła horła — byŭ admienieny kancert u Maskvie 8 červienia, a ŭ Pieciarburhu pieraniesieny z 6 na 19 červienia.

A voś kancert u Kijevie 10 červienia prajšoŭ z pośpiecham.

Łana Del Rej daviała publiku da ekstazu, a pry kancy kancertu nadzieła na hałavu ŭkrainski vianok, paviedamlajuć ukrainskija ŚMI.

Pałac «Ukraina» byŭ nabity bitkom, i arhanizataram daviałosia stavić jašče adzin šerah kresłaŭ. Zała była poŭnaja. Na praciahu ŭsiaho kancerta Del Rej śpiavała ŭžyvuju.

Kab adčuć padtrymku hledačoŭ, Łana paprasiła prysutnych u zale ŭstać, tamu słuchačy prastajali razam sa śpiavačkaj ŭvieś kancert.

Kancert Łany Del Rej projdzie na «Minsk-Arenie» ŭ sieradu i pačniecca ŭ 20:00, cana kvitkoŭ składaje ad 310 tys. da 785 tys. rubloŭ.

***

Łana Del Rej (Elizabiet Hrant) -- amierykanskaja śpiavačka, aŭtar-vykanaŭca. Upieršyniu viadomaść pryjšła letam 2011 hoda paśla vypusku videaklipa «Video Games», jaki prahledzieli 600 tysiač raz u Internecie na praciahu troch tydniaŭ. Jaje hołas paraŭnoŭvajuć z takimi vakalistkami, jak Nensi Sinatra, Ambrozija Parśli i Čajna Forbs z Pink Martini. U 2012 hodzie jana była ŭznaharodžana premijaj Brit Awards u katehoryi «Mižnarodny praryŭ».

JUU, AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH