Akcior Žerar Depardjo zajaviŭ, što maje namier stać hramadzianinam adrazu siami krain. Jak paviedamlaje hazieta Le Journal du Dimanche, užo ŭ bližejšy čas jon maje namier źviarnucca pa pašpart Ałžyra.
Akcior rastłumačyŭ, što takaja kolkaść pašpartoŭ dapamoža jamu ŭjazdžać u bolšaść krain bieź vizy. Pavodle jaho słoŭ, ciapier jon žyvie i pracuje ŭ Rasii, Francyi, Bielhii i ZŠA.
«Ja hramadzianin śvietu. Svabodny čałaviek. Franka-rasijski akcior», - dadaŭ jon.
Jak udakładniaje Agence France-Presse akcior, jaki 17 červienia paŭstanie pierad francuzskim sudom pa abvinavačvańni ŭ kiravańni ŭ niećviarozym vyhladzie, pryznaŭ, što časam moža pierabrać z ałkaholem. U cełym ža Depardjo acharaktaryzavaŭ siabie jak čałavieka racyjanalnaha, ale ŭ toj ža čas prostaliniejnaha i schilnaha da padryvu asnoŭ. Jon nie vyklučyŭ, što mienavita jaho skandalny vobraz i impanuje rasijskamu prezidentu Uładzimiru Pucinu, asabista ŭručyŭ jamu rasijski pašpart.
Akcior zajaviŭ ab namiery pakinuć radzimu ŭ śniežni 2012 hoda. Pryčynaj takoha rašeńnia staŭ namier novych uładaŭ krainy ŭvieści dla najbolš zabiaśpiečanych francuzaŭ 75-pracentny padatak na dachody.
