«Akvacentr», Hrodna. Fota aquacenter.by.
Kobrynski akvapark. Fota aquapark.inkobrin.org.
Akvapark u sanatoryi «Aziorny». Fota tradico.by.
Fizkulturna-azdaraŭlenčy centr. Žłobin. Fota zor.by.
Pružanski vodny pałac. Fota pruzhany.net.
Takim bačać architektary staličny akvapark «Kupalle».
Budaŭniki pieršaha staličnaha akvaparku «Kupalle» nie paśpiavajuć zdać abjekt da 3 lipienia, jak było zapłanavana raniej. Hetym letam pakatacca z vodnych horak minčuki znoŭ nie zdolejuć. Zastaniecca jechać za miažu — Druskieniki, Vilniu ci Biełastok — albo ŭ biełaruskija drabniejšyja harady. U krainie na siońnia piać akvaparkaŭ, jakija sumiaščajuć u sabie vodnyja zabavy dy raznastajnyja azdaraŭlenčyja pracedury.
«Akvacentr», Hrodna
Hrodna, vuł. Horkaha, 82
(0152) 48-74-07
Čas pracy — 8—22, u vychodnyja — 10—22.
Cana za try hadziny: 90 tysiač rubloŭ
(dla dziaciej — 62 tysiačy rubloŭ).
Raniej heta byŭ najbujniejšy ŭ respublicy FAK «Jubilejny», jaki paśla rekanstrukcyi ŭ 2004 staŭ akvaparkam. Ciapier jon zdolny źmiaścić da 2 tysiač naviednikaŭ u dzień.
Daŭžynia kožnaj z čatyroch darožak u basiejnie składaje 50 mietraŭ. Aproč ich, jość basiejn dla dziaciej i dva trampliny. Horak niebahata — usiaho dźvie… U čyrvonaj naviedniki skatvajucca pa śpirali, a pa siniaj źjazdžajuć źvierchu ŭniz pa pramoj. Darečy, dla tych, chto nie ŭmieje płavać, pracujuć instruktary.
U akvaparku jość i saŭny, i trenažornaja zała. Možna pryniać duš Šarko i atrymać padvodny masaž.
Kobrynski akvapark
Kobryn, vuł.Hasteły, 15
(01642)2-32-88.
Čas pracy —10—22.
Cana za try hadziny: 108 tysiač rubloŭ
(dla dziaciej — 86 400 rubloŭ).
Akvapark adkryŭsia ŭ listapadzie 2009. Infrastruktura pradstaŭlena płavalnym basiejnam ź dźviuma horkami, tryma vidami łaźni (ruskaja, finskaja i tureckaja), trenažornaj załaj, niekalkimi spartyŭnymi załami i miedycynskim centram.
U basiejnie ŭstalavanyja niekalki hidramasažoraŭ, vodnyja brui, jość niekalki «astraŭkoŭ» z džakuzi. Dla małych jość płytkaje miesca.
Sistema ŭliku času aŭtamatyzavanaja — kožny naviedvalnik atrymlivaje płastykavy branzalet z čypampropuskam, jaki jon na ŭvachodzie prykładvaje da terminała i zapuskaje miechanizm uliku času znachodžańnia.
Akvapark u sanatoryi «Aziorny»
Hrodzienskaja vobłaść, ahraharadok «Aziorny»
(0152) 79-87-74
Heta najstarejšy akvapark u našaj krainie. Mienavita pa prajekcie «Aziornaha» byŭ pabudavany Kobrynski akvapark. Tamu vodnyja atrakcyjony, dadatkovyja pasłuhi (vidy łaźni, saŭna, płavalny basiejn) u ich amal takija ž.
Fizkulturna-azdaraŭlenčy centr
h.Žłobin, vuł.K.Marksa, 3/1
(02334) 5-00-51
Čas pracy — 10—21, u vychodnyja — 11—21. U paniadziełak i aŭtorak začynieny.
Cana za try hadziny: 68 tysiač rubloŭ (dla dziaciej — 61 tysiača rubloŭ). U vychodnyja na 12—13% daražej.
U adnym budynku rajonnaha centra znachodzicca bieźlič spartyŭnych abjektaŭ. Samyja pryvabnyja — ladovy pałac i akvapark. Žłobincy hanaracca samaj doŭhaj u Biełarusi horkaj — 76 mietraŭ. Aproč jaje, vartyja ŭvahi 50-mietrovy basiejn na 10 darožak, dziciačy basiejn i akvazona z vadaspadami, kaskadami, «hornaj rakoj» i džakuzi.
Vodny pałac
h.Pružany, uł.Zavadskaja, 19
(01632) 9-61-22
Čas pracy — 10—22.
Akvapark u Pružanach uklučaje 25-mietrovy basiejn z šaściu darožkami, dziciačy basiejn, vodnyja atrakcyjony, łaźniu, saŭnu, zały dla zaniatkaŭ ciažkaj atletykaj i fitnesam i raznastajnyja atrak
cyjony — vadaspady, «hrybok», hidramasažory, vannydžakuzi.
Tut jość horki dla dziaciej, źjazdžać ź ich jany buduć u płytki basiejn (hłybinia 95 sm). Dla darosłych naviednikaŭ — dźvie vintavyja horki.
Akvapark u Minsku (budujecca)
Skryžavańnie praśpiekta Pieramožcaŭ i MKAD.
Tut budzie siem horak dla spuskaŭ, samaja ekstremalnaja ź ich u vyšyniu składzie bolš za 20 mietraŭ. Akramia hetaha, častkova akvapark budzie raźmiaščacca na adkrytym pavietry, ale ciopłaja vada i pavietra, jakija vykarystoŭvajucca ŭ horkach, dazvolać karystacca atrakcyjonami ŭ luby čas hoda. U centry raki płanujecca zładzić vyspu z trapičnaj zielaninaj i plažam, abstalavanym šezłonhami i parasonami.
Płanujecca, što ŭ letni čas akvapark zmohuć naviedvać da čatyroch tysiač čałaviek, u zimovyja miesiacy — da troch tysiač.