1 lipienia nabyvaje moc pastanova Savieta ministraŭ «Ab terminach abaračeńnia imiannych pryvatyzacyjnych čekaŭ «Majomaść» ad 3 śniežnia 2012 hoda.
Zhodna z pastanovaj termin abaračeńnia čekaŭ «Majomaść» praciahnuty jašče na try hady, pa 30 červienia 2016 hoda. Dakumient byŭ pryniaty ŭ adpaviednaści z zakonam «Ab imiannych pryvatyzacyjnych čekach Respubliki Biełaruś» ad 1993 hoda.
Dziaržaŭnamu kamitetu pa majomaści daručana infarmavać nasielnictva ŭ miesiačny termin pra abaračeńnie imiannych pryvatyzacyjnych čekaŭ «Majomaść» u adpaviednaści sa zhadanaj pastanovaj, a taksama trymać u kursie vykarystańnia ŭkazanych čekaŭ.
Vydača imiannych pryvatyzacyjnych čekaŭ «Majomaść» pačałasia ŭ krasaviku 1994 hoda, i ŭ pieršyja hady praces abmienu čekaŭ na akcyi prachodziŭ aktyŭna.Tempy čekavaj pryvatyzacyi ŭ krainie zamarudzilisia ŭ 2000 hodzie, paśla čaho termin dziejańnia čekaŭ «Majomaść» nieadnarazova praciahvali. Apošnim razam jon atrymaŭ praciah u 2010 hodzie da 30 červienia 2013 hoda.
0
0
0
0
0
0