U červieni siaredni košt kvadratnaha mietra ŭ kvaterach typavych spažyvieckich jakaściaŭ na druhasnym rynku nieruchomaści Minska byŭ samym vysokim za apošnija čatyry hady. Pra heta ŭ intervju BiełaPAN paviedamiła śpiecyjalist adździeła kansałtynhu i analityki hrupy kampanij "Tvaja stalica" Anastasija Abraževič.
Pavodle jaje słoŭ, košt kvadratnaha mietra na druhasnym rynku kvater u Minsku ŭ červieni 2013 hoda skłaŭ 1.512 dołaraŭ. U adnosinach da ździełak, zaklučanych u studzieni hetaha hoda, rost skłaŭ 18,3%. Rost cen u červieni ŭ adnosinach da studzienia skłaŭ: na adnapakajovuju kvateru — 19% da 1.626 dołaraŭ za 1 kv. m, dvuchpakajovuju — 11,9% da 1.430, trochpakajovuju — 18% da 1.387.
Adnapakajovyja kvatery z meblaj abo z papiarednim ramontam realizoŭvalisia ŭ červieni ŭ siarednim na 160 dołaraŭ za kvadratny mietr daražej za kvatery typavych spažyvieckich jakaściaŭ. Dobry ramont u dvuchpakajovych kvaterach dadavaŭ bolš jak 300 dołaraŭ za 1 kv. m da koštu prodažu, adznačyła Abraževič.
"Na rynku zachoŭvajecca vysokaja aktyŭnaść jaho ŭdzielnikaŭ. Kolkaść ździełak, zafiksavanych u červieni RUP "Nacyjanalnaje kadastravaje ahienctva", pavialičyłasia amal na 11% u adnosinach da pakazčykaŭ maja i amal zraŭnavałasia z pakazčykami sakavika—krasavika i składaje prykładna adnu tysiaču", — skazała ekśpiert.
Siaredni temp rostu cen kvadratnaha mietra na piarvičnym rynku žylla sioleta skłaŭ 2,8% u miesiac. Pry hetym u červieni hety pakazčyk źniziŭsia da 1,6%. Košt žylla na piarvičnym rynku ŭ červieni skłaŭ: ekanamkłas — 1.381 dołar za kvadratny mietr, biźnies-kłas — 1.576, elitkłas — 2.517. Takim čynam, siaredniaŭzvažanaja cana ŭ červieni hetaha hoda skłała 1.590 dołaraŭ za kvadratny mietr, što na 12,9% bolš, čym u studzieni 2013 hoda.
Pavodle słoŭ śpiecyjalista, košt arendy kvater u Minsku ŭ červieni praktyčna nie adroźnivaŭsia ad ustanoŭlenaha ŭ mai. Zaklučeńnie dahavora arendy adnapakajovaj kvatery ŭ červieni adbyvałasia ŭ siarednim za 337 dołaraŭ za miesiac, dźviuch- i trochpakajovych — za 398 i 428 adpaviedna.
Rynak ofisnaj nieruchomaści prykmietnaj aktyŭnaściu ŭ červieni nie vyznačaŭsia. Košt dolevaha budaŭnictva kvadratnaha mietra ŭ biźnies-centrach kłasa V ŭstanaviŭsia na ŭzroŭni 2.152 dołaraŭ za kvadratny mietr, kłasa S — 1.765 z ulikam PDK. Košt arendy kvadratnaha mietra skłaŭ 20 i 17 jeŭra z PDK adpaviedna ŭ biźnies-centrach kłasa V i S. Arenda ŭ biźnies-centrach kłasa A kaštavała arandataram u siarednim u 38-40 jeŭra z PDK za kvadratny mietr, paviedamiła Abraževič.
