Daviedacca pra štraf za pieravyšeńnie chutkaści možna na sajcie MUS
Dla hetaha stvorany admysłovy anłajn-siervis.
Na sajcie mvd.gov.by, u raździele pasłuhi, ź`iaviŭsia novy online-servis, jaki dazvalaje z 9 lipienia ŭładalniku transpartnaha srodku pravieryć najaŭnaść u jaho štrafaŭ za parušeńnie chutkasnych režymaŭ, zafiksavanych kamierami fotafiksacyi, jakija pracujuć u aŭtamatyčnym režymie.
Jak paviedamili va ŭpraŭleńni DAI MUS Biełarusi, servis dazvalaje daviedacca tolki ab najaŭnaści nieapłačanych štrafaŭ, dla čaho va ŭstanoŭlenaj formie nieabchodna zapoŭnić pali «proźvišča, imia i proźvišča pa-baćku ŭładalnika transpartnaha srodku», «sieryja i numar paśviedčańnia ab rehistracyi transpartnaha srodku». Uvod źviestak ab numary dakumienta na transpartny srodak vyklikany nieabchodnaściu abarony piersanalnych danych uładalnika. Tamu atrymać kanfidencyjalnuju infarmacyju ab štrafach moža tolki jon. Heta vyklučaje vierahodnaść taho, što danyja trapiać inšaj asobie, jakaja moža pakarystacca imi ŭ karyślivych ci machlarskich metach.
Kali ŭ bazie danych utrymlivajucca źviestki ab tym, što ŭ dačynieńni da ŭłaśnika nakładzieny štraf, to pad tablicaj, jakaja ź`iaviłasia, aŭtamatyčna raźmiaščajecca padrabiaznaja instrukcyja ab sposabach i ałharytmach apłaty zapazyčanaści.
Infarmacyja jak ab najaŭnaści nieapłačanych štrafaŭ, hetak i ab pahašanych zapazyčanaściach abnaŭlajecca ŭ bazie danych tolki raz u sutki.
Novy servis dazvolić vadzicielam apieratyŭna daviedvacca ab najaŭnych nieapłačanych štrafach za pieravyšeńnie chutkaści i svoječasova ich pahašać, nie čakajučy atrymańnia kopii pastanovy ab nakładańni administracyjnaha spahnańnia («listy ščaścia») ci prychodu sudovych vykanaŭcaŭ.
