Źmieny maršrutaŭ transpartu ŭ suviazi z ramontam na Arłoŭskaj

U suviazi z vykanańniem rabot pa asfaltavańni vulicy Arłoŭskaj na ŭčastku ad vulicy Navavilenskaj da miažy transpartnaj raźviazki z praśpiektam Pieramožcaŭ 17–18 žniŭnia ŭnosiacca źmianieńni ŭ rabotu pasažyrskaha transpartu. Ab hetym paviedamili na DP «Minsktrans».

Ruch tralejbusaŭ maršruta № 33 arhanizujecca z boku dyśpietčarskaj stancyi (DS) «Dražnia» da DS «Karastajanavaj» z zachavańniem dziejnych intervałaŭ ruchu, z boku stancyi mietro «Puškinskaja» — admianiajecca.

Ruch tralejbusaŭ maršruta № 68 z boku DS «Adojeŭskaha» arhanizujecca da prypynku «2-je kalco», z boku DS «Słavinskaha» — da DS «Karastajanavaj» z prysvajeńniem № 68D z zachavańniem dziejnych intervałaŭ ruchu.

Ruch tralejbusaŭ maršruta № 28 admianiajecca.

Arhanizujecca rabota časovaha aŭtobusnaha maršruta № 933 «Niakrasava — 2-je kalco» z nakiravańniem ad DS «Karastajanavaj» pa vulicach Niakrasava, Bahdanoviča, Surhanava, Arłoŭskaj u abodvuch napramkach. Prypynak «Vystavačny kompleks» budzie ažyćciaŭlacca ŭ adnym napramku (pa baku, dzie nie vykonvajucca raboty pa asfaltavańni).

Pasadka ŭ aŭtobusy časovaha maršruta № 933 na płoščy Banhałor budzie ažyćciaŭlacca na prypynku tralejbusnych maršrutaŭ № 28, 40, raźmieščanym za płoščaj (kala parku Družby narodaŭ).

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH