Prakuratura Minskaj vobłaści zaviała kryminalnuju spravu ŭ dačynieńni da dyrektara adnaho z unitarnych pradpryjemstvaŭ Maładziečna, jaki, złoŭžyŭšy słužbovymi paŭnamoctvami, pryčyniŭ škodu na Br22 młn.
Pra heta paviedamiŭ karespandentu BiełTA prakuror adździeła prakuratury Minskaj vobłaści Vital Volski.
Dyrektar maładziečanskaha pradpryjemstva padazrajecca ŭ tym, što, źjaŭlajučysia słužbovaj asobaj i dziejničajučy nasupierak intaresam słužby, złoŭžyŭ svaimi słužbovymi paŭnamoctvami z asabistaj zacikaŭlenaści.
U žniŭni-kastryčniku 2011 hoda jon daŭ ukazańnie padnačalenamu jamu inžynieru aformić šerah fiktyŭnych damovaŭ na vykanańnie budaŭničych rabot na roznych abjektach z čatyrma hramadzianami. Taksama jon daručyŭ aformić inšyja padroblenyja dakumienty, jakija tyčacca vykanańnia hetymi hramadzianami rabot, dakładna viedajučy, što jany nijakich rabot na hetych abjektach vykonvać nie buduć. Tym samym dyrektar raźličvaŭ prychavać toj fakt, što raniej hetyja ž ludzi pracavali na abjektach, jakija rekanstrujucca dadzienym pradpryjemstvam, bieź jakoha-niebudź afarmleńnia. Pry hetym hrošy za pracu im nie vypłacili, a pa fiktyŭnych damovach padradu pieraličyli ŭ adras iłžepradprymalnickaj struktury.
Takim čynam, dyrektar złoŭžyŭ svaimi słužbovymi paŭnamoctvami, u vyniku čaho PSUP "Maładziečanskaja PMK -2» naniesieny ŭron u sumie bolš jak Br22 młn., što źjaŭlajecca bujnym pamieram. Kryminalnaja sprava nakiravanaja dla rasśledavańnia ŭ USK Biełarusi pa Minskaj vobłaści.
