U Biełarusi na pačatak hoda pražyvali 1 młn. 859 tys. čałaviek va ŭzroście 60 hadoŭ i bolej — 19,6% ad ahulnaj kolkaści nasielnictva krainy, abo praktyčna kožny piaty.
Ab hetym paviedamiła pres-sakratar Nacyjanalnaha statystyčnaha kamiteta Volha Kłaŭsuć.
Zhodna z pryniataj u hierantałohii kłasifikacyjaj da pažyłych adnosiacca ludzi va ŭzroście ad 60 hadoŭ i bolej. Za apošnija dziesiać hadoŭ kolkaść čałaviek pažyłoha ŭzrostu ŭ cełym pa krainie źmienšyłasia na 22,6 tys. čałaviek, abo na 1,2%. Na pačatak 2013 hoda ŭ Biełarusi pražyvaŭ 541 čałaviek va ŭzroście 100 hadoŭ i bolej, 85% ź ich — žančyny.
Ahulnaj zakanamiernaściu źmieny ŭzrostavaha składu nasielnictva krainy źjaŭlajecca jaho stareńnie.
U adpaviednaści sa škałoj demahrafičnaha stareńnia AAN nasielnictva ličycca starym, kali dola asob va ŭzroście ad 65 hadoŭ składaje 7% i bolš. Na pačatak hoda ŭ krainie dola hetaj uzrostavaj hrupy nasielnictva dasiahnuła 13,8%,
u haradach i pasiołkach haradskoha typu — 11,4%, u sielskaj miascovaści — 21,5%.
