A niadaŭna na Akreścina pastavili škłopakiety, fota Dzianisa Sadoŭskaha
Pra heta raspaviała pravaabaronca Nasta Łojka. Pa jaje słovach, takaja miera praduhledžanaja novymi normami Pracesualna-vykanaŭčaha kodeksa ab administracyjnych pravaparušeńniach.
«Im dazvalajecca atrymlivać i dasyłać listy i telehramy biez abmiežavańnia kolkaści. Heta adbyvajecca za košt samich administracyjna aryštavanych.
Karespandencyja, jakaja atrymoŭvajecca i dasyłajecca, padlahaje cenzury i paradak atrymańnia i dasyłańnia listoŭ i telehram vyznčačajecca praviłami ŭnutranaha rasparadku. Heta bolš udaskanalenyja normy. Raniej byli zamacavanyja tolki telehramy, i toje heta było tolki ŭ praviłach unutranaha rasparadku. A ciapier paŭnavartasna, na ŭzroŭni kodeksa im dazvolena dasyłać i listy, i telehramy. I heta vielmi dobry krok napierad, bo jość mahčymaść padtrymlivać kamunikacyju nie tolki praz advakata, naprykład».
U turmie na Akreścina zaraz znachodzicca moładzievy aktyvist Pavieł Vinahradaŭ.
Pravaabaronca prapanuje dasyłać jamu listy: Vinahradavu Paŭłu Jurjeviču, 220089, Minsk, 1-y zav. Akreścina, 36A, CIP. U list varta ŭkłaści čystyja kanvierty z markaj pa Biełarusi, kab viazień moh adkazać.
