Pavodle prahnozaŭ ekśpiertaŭ fondu, čakajecca, što samy vysoki siaredniehadavy pakazčyk pa źmianšeńni nasielnictva budzie zafiksavany ŭ Małdovie i Bałharyi (0,8%), va Ukrainie i Łatvii (0,6%), u Sierbii, Biełarusi i Litvie (0,5% ).
Źmianšeńnie nasielnictva da 2015 hoda prahnazujecca taksama ŭ Charvatyi, Hruzii (0,4%), u Estonii, Rumynii (0,3%), u Vienhryi, Rasii i Puerta-Ryka (0,2%), u Bośnii i Hiercahavinie, Hiermanii, Japonii i na Kubie (0,1%).
Štohadovy pryrost nasielnictva, jaki demanstrujuć Aman i Katar, u pierśpiektyvie da 2015 hoda daść im mahčymaść zachoŭvać samyja vysokija pazicyi pa hetym pakazčyku nie tolki siarod krain Piersidskaha zaliva, ale i va ŭsim śviecie.
Zhodna z raźlikami ekśpiertaŭ, najbližejšyja dva hady nasielnictva Amana i Katara ŭ siarednim budzie pavialičvacca na 7,9% i 5,9% adpaviedna. Vysokimi tempami budzie raści nasielnictva Paŭdniovaha Sudana (4%).
Siaredniaja praciahłaść žyćcia ŭ Biełarusi składzie ŭ hetym pieryjadzie ŭ žančyn 76 hadoŭ, u mužčyn — 64 hady. Dla paraŭnańnia: najbolšaja siaredniaja praciahłaść žyćcia čakajecca ŭ Japonii: 80 hadoŭ u mužčyn i 87 hadoŭ u žančyn, a taksama ŭ Aŭstralii i Šviejcaryi — 80 hadoŭ u mužčyn i 85 hadoŭ u žančyn, najmienšaja — u Śjera-Leone: 45 hadoŭ u mužčyn, 46 hadoŭ u žančyn.
