Nichto z vysokapastaŭlenych francuzskich pradstaŭnikoŭ ułady, u tym liku prezident Fransua Aland, nie pryjedzie na zimovuju Alimpijadu ŭ Sočy, paviedamiŭ ministr zamiežnych spraŭ Francyi Łaran Fabius.
Fransua Aland, AFP
Fabius abviaściŭ pra heta ŭ efiry francuzskaha radyjo, ale nie staŭ tłumačyć padrabiaznaści i raspaviadać pra pryčyny rašeńnia.
Pravaabaroncy zaklikajuć lidaraŭ krain bajkatavać Hulni, kab vykazać pratest suprać parušeńniaŭ pravoŭ čałavieka ŭ Rasii, u tym liku praz zakon ab zabaronie prapahandy nietradycyjnych seksualnych adnosin siarod niepaŭnaletnich, jaki byŭ uspryniaty jak ataku na rasijskuju ŁHBT -supolnaść.
Na minułym tydni prezident Hiermanii Joachim Haŭk paviedamiŭ rasijskim uładam, što jon nie pajedzie na Alimpijadu ŭ Sočy.
Uletku z zaklikam da bajkotu Alimpijady vystupiŭ anhlijski piśmieńnik i akcior Styvien Fraj, paraŭnaŭšy hulni ŭ Sočy z Alimpijadaj z hitleraŭskaj Hiermanijaj u 1936-m.
A voś premjer Vialikabrytanii Devid Kemieran nie padtrymaŭ ideju bajkotu Alimpijady.
