Aficyjnym orhanam Biełarusi nieabchodna pryniać rašučyja miery ŭ adkaz na źjaŭleńnie pahroz dla ekanamičnaj stabilnaści.
Pra heta havorycca ŭ acency vykanaŭčaha savieta dyrektaraŭ MVF pavodle vynikaŭ abmierkavańnia piataha postprahramnaha manitorynhu ź Biełaruśsiu.Mižnarodny valutny fond prahnazuje zachavańnie marudnych tempaŭ ekanamičnaha rostu ŭ Biełarusi i ciažkuju situacyju z płaciežnym bałansam u karotkaterminovaj pierśpiektyvie.
«Ryzyki istotna źmieščany ŭ bok paharšeńnia situacyi.
U pryvatnaści, dalejšaje paharšeńnie salda rachunku biahučych apieracyj ci finansavaha rachunku moža pavialičyć nacisk na reziervy i biełaruski rubiel», — adznačajuć ekśpierty fondu.
Pavodle ich mierkavańnia, ryzyki ŭ bankaŭskaj śfiery taksama zastajucca adnoj z pryčyn dla tryvohi, u tym liku ŭ suviazi z usio jašče chutkim rostam kredytavańnia ŭ zamiežnaj valucie.
Adznačyŭšy «źjaŭleńnie pahroz dla makraekanamičnaj stabilnaści i skaračeńnie bufiernych reziervaŭ dla praviadzieńnia palityki», vykanaŭčyja dyrektary MVF rekamiendavali aficyjnym orhanam «pryniać rašučyja ekanamičnaj palityki ŭ adkaz dla ŭparadkavanaha źmiakčeńnia hetych ryzyk».
U pryvatnaści ŭ MVF pahadzilisia ź mierkavańniem ekśpiertaŭ, što dla adnaŭleńnia ŭnutranaj i źniešniaj zbałansavanaści i palapšeńnia siarednieterminovych pierśpiektyŭ rostu nieabchodna ŭzmacnieńnie žorstkaści makraekanamičnaj palityki, a taksama hłybokija strukturnyja reformy.
Dyrektary MVF ličać nieabchodnym prypynić u Biełarusi pavyšeńnie zarabotnaj płaty na praciahu 2014 hoda i rezka skaracić dyrektyŭnaje kredytavańnie ź jaho poŭnaj paetapnaj likvidacyjaj u siarednieterminovaj pierśpiektyvie.
Na ich dumku, astatniaje dyrektyŭnaje kredytavańnie treba ažyćciaŭlać poŭnaściu praz Bank raźvićcia, kab stymulavać pracu dziaržaŭnych bankaŭ na kamiercyjnaj asnovie i spryjać palapšeńniu raźmierkavańnia kredytu ŭ ekanomicy.
Dyrektary pryjšli da ahulnaha mierkavańnia, pavodle jakoha zbałansavany biudžet budzie abhruntavanym metavym biudžetnym pakazčykam na nastupny hod, choć u vypadku niedastatkovaha prahresu ŭ spynieńni dyrektyŭnaha kredytavańnia budzie nieabchodna pastavić metaj dasiahnieńnie praficytu.
U MVF ličać, što skaračeńnie maštabaŭ interviencyj na valutnym rynku budzie spryjać źmianšeńniu źniešnich dysbałansaŭ i zachavańniu aficyjnych reziervaŭ.
Uzmacnieńnie žorstkaści hrašova-kredytnaj palityki dapamoža strymać inflacyjny nacisk i praduchilić praźmiernuju karekciroŭku valutnaha kursu. Akramia taho, na dumku ekśpiertaŭ fondu, pierachod da palityki, zasnavanaj na tarhietavańni hrašovaj bazy, moža ŭmacavać davier da palityki, što pravodzicca, i spryjać padrychtoŭcy ŭviadzieńnia režymu tarhietavańnia inflacyi ŭ siarednieterminovaj pierśpiektyvie.
Dyrektary MVF vitali zroblenyja apošnim časam zachady pa strymlivańni bankaŭskaha kredytavańnia ŭ zamiežnaj valucie, ale zaklikali da bieśpierapynnaha ŭvažlivaha manitorynhu padziej u hetaj śfiery. Jany rekamiendavali bolš pilna sačyć za novymi depazitnymi instrumientami, jakija stvarajuć dla bankaŭ kursavyja ryzyki.
Dyrektary padkreślili klučavoje značeńnie bolš hłybokich strukturnych reform dla ŭstojlivaha nieinflacyjnaha ekanamičnaha rostu.
Jany vitali pryniaćcie aficyjnymi orhanami płana sumiesnych dziejańniaŭ i rekamiendavali jaho svoječasovaje vykanańnie. Tym nie mienš dyrektary MVF padkreślili, što nieabchodna značna bolš maštabnaja prahrama reform z kancentracyjaj mier u pačatku pieryjadu, uklučajučy kompleksnuju libieralizacyju cen, detalovuju stratehiju i značnyja pieršyja zachady pa skaračeńni roli dziaržavy ŭ ekanomicy i ŭmacavańni mier sacyjalnaj abarony.
U MVF taksama paličyli, što «padtrymka novaj damoŭlenaści z fondam budzie zaležać ad ćviordaj prychilnaści Biełarusi kompleksnamu pakietu mier dla praviadzieńnia takich reform u spałučeńni z rašučaj makraekanamičnaj palitykaj».
Varta adznačyć, što vykanaŭčy saviet, jaki vyznačaje palityku MVF i adkazvaje za bolšaść rašeńniaŭ, składajecca z 24 vykanaŭčych dyrektaraŭ. Ich pryznačajuć vosiem krain z najbolšymi kvotami ŭ fondzie.
Nahadajem, 10 kastryčnika Saviet ministraŭ i Nacbank pryniali płan sumiesnych dziejańniaŭ pa strukturnym refarmavańni i pavyšeńni kankurentazdolnaści ekanomiki Biełarusi. Płan uklučaje maštabnyja miery pa pryvatyzacyi dziaržułasnaści, abmiežavańni kredytavańnia dziaržprahram, refarmavańni piensijnaj sistemy.
Hetym płanam praduhledžana taksama praviadzieńnie kansultacyj z pradstaŭnikami MVF ab mahčymaści atrymańnia finansavańnia ŭ miežach novaj kredytnaj prahramy.
