Prezident Rasii Uładzimir Pucin admoviŭsia nazvać svajho pierajemnika, patłumačyŭšy heta tym, što pakul niama pradmieta dla razmovy.
«Nakont pierajemnika nie skazaŭ, bo niama čaho kazać», — zajaviŭ Pucin padčas vialikaj štohadovaj pres-kanfierencyi.
Adnak rasijski lidar pahadziŭsia nazvać tych, kaho jon ličyć «palitykam №2» u Rasii.
«U nas šmat daśviedčanych palitykaŭ, ich imiony i proźviščy vy ŭsio viedajecie: lidar KPRF Hienadź Ziuhanaŭ, naprykład. Dobra viadomy Žyrynoŭski, tak, jon z epatažam i talenavity čałaviek, ale ad jaho hučyć šmat razumnych prapanoŭ. U svoj čas ja zaprasiŭ u Maskvu Mironava Siarhieja Michajłaviča. Jon staŭ palitykam rasijskaha maštabu. U Dźmitryja Anatoleviča Miadźviedzieva vielizarny dośvied», — skazaŭ Pucin.
Pry hetym nazyvajučy imia Ziuhanava, jon paprasiŭ žurnalistaŭ nie śmiajacca.
«Ničoha śmiešnaha, u jaho svoj pohlad na mnohija rečy, za jaho hałasujuć miljony ludziej», — rastłumačyŭ prezident Rasii.
