Siabru «Maładoha frontu» Uładzisłavu Makavieckamu pahražaje vyklučeńnie ź Viciebskaha dziaržaŭnaha technałahičnaha kaledža.
«Za ŭdzieł u śviatkavańni Słuckaha zbrojnaha čynu i pryniaćcie prysiahi «Maładoha frontu» pačalisia žorstkija zachady. U administracyi skazali: vybiraj — albo vučoba, albo apazycyjnaja dziejnaść. Skazaŭ, što budu vučycca ŭ kaledžy. Jany skazali - dobra. Ale nie strymali svajho abiacańnia i pačali valić na ekzamienach», — paviedamiŭ Uładzisłaŭ.
Aktyvist ciapier na čaćviortym kursie, jamu zastałosia dva miesiacy davučycca, kab atrymać dypłom.
Dyrektar kaledža Tamara Harbuz admaŭlajecca kamentavać sytuacyju. Jana skazała, što Uładzisłaŭ «narmalna chodzić na zaniatki, ale jon nia zdaŭ dva ispyty».
Adnakurśniki Makavieckaha raspačali zbor podpisaŭ u znak salidarnaści ź im.
