U piatnicu 12 kastryčnika ŭ Nobieleŭskim instytucie ŭ Osła budzie abvieščany łaŭreat Nobieleŭskaj premii miru. Sioleta siarod naminantaŭ na atrymańnie hetaj hanarovoj premii 181 kandydat, ź jakich 135 pryvatnych asobaŭ i 46 arhanizacyj.
Pa šmathadovaj tradycyi, Nobieleŭski kamitet ničoha nie paviedamlaje ni pra pretendentaŭ, ni pra arhanizacyi, jakija ich vyłučyli.
Ale, jak stała viadoma pravaabarončamu centru «Viasna», siarod pretendentaŭ na Nobieleŭskuju premiju miru, jaki patrapiŭ ŭ šort‑list — vice‑prezident Mižnarodnaj fiederacyi pravoŭ čałavieka (FIDH), viadomy biełaruski pravaabaronca Aleś Bialacki. Nahadajem, što ŭ minułym hodzie Aleś Bialacki byŭ vyłučany na hetuju hanarovuju premiju i navat trapiŭ u šort‑list (śpis najbolš vierahodnych pretendentaŭ).
Raniej paviedamlałasia, što siarod pretendentaŭ 2007 hoda jašče adzin biełarus, staršynia Biełaruskaj sacyjał‑demakratyčnaj Hramady, były staršynia Viarchoŭnaha Savietu Biełarusi Stanisłaŭ Šuškievič.
Taksama ŭ druhi raz na Nobieleŭskuju premiju ŭ halinie litaratury naminavany paet Ryhor Baradulin.
