U ramkach forumu buduć dziejničać try specyjalizavanyja vystavy: «Enerhietyka. Ekalohija. Enerhaźbieražeńnie.»(EnergyExpo), vystava śviatłotechničnaj pradukcyi «Ekspaśviatło» (ExpoLight) i «Vodnyja i pavietranyja technalohii». Metaj praviadzieńnia mierapryjemstvaŭ źjaŭlajecca spryjańnie planam realizacyi dziaržaŭnaj prahramy enerhaźbieražeńnia jak faktaru ekanamičnaj biaśpieki dziaržavy.
Jak zajaviŭ na pres‑kanferencyi 10 kastryčnika ŭ Miensku namieśnik ministra enerhietyki Leanid Šeniec, padčas forumu budzie razhledžany ekanamičny dośvied takich dziaržaŭ, jak Danija, Belhija i Švajcaryja. U hetych krainaŭ taksama niama svaich radoviščaŭ enerharesursaŭ, ale jany zmahli dabicca vysokich vynikaŭ praź źnižeńnie enerhajomkaści vytvorčaści. Za košt źnižeńnia enerhazatrataŭ dziaržava zmoža skampensavać rost taryfaŭ na elektraenerhiju dla pradpryjemstvaŭ Biełarusi. Budzie razhledžany šerah važnych enerhietyčnych pytańniaŭ, u tym liku pieravod kacielniaŭ u CEC, što dazvolić aproč aciapleńnia atrymlivać elektraenerhiju.
Pavodle słovaŭ namieśnika ministra pryrodnych resursaŭ i abarony navakolla Alaksandra Apackaha, adna z zadačaŭ ekanomiki — pry roście VUP nie pavysić rost škodnych vykidaŭ, a ŭ ideale źnizić jaho. «Na dadzieny momant stan pryrody Biełarusi dobry, bo stabilny, ale nam patrebna palepšyć jaho». Hetaha možna dabicca praz užyvańnie alternatyŭnych krynic enerhii, pierapracoŭki adkidaŭ na mety bijahazavaj enerhietyki, praź źnižeńnie skarystańnia ŭvaznoha i miascovaha paliva. Vietraenerhietyka, jakaja ŭžo prysutničaje ŭ Biełarusi, budzie raźvivacca i nadalej, adnak sapraŭdny praryŭ možna budzie čakać pry sytuacyi, kali zatraty na enerhanośbity buduć pieravyšać košt ustalavańnia vietrakoŭ.
Častkaj palityki enerhaźbieražeńnia źjaŭlajecca ŭdzieł Biełarusi ŭ Kijockim pratakole. Jak zajaviŭ Alaksandr Apacki, na siońnia amal sfarmavanaja narmatyŭna‑pravavaja baza pa vykanańni pratakołu, ale zastajecca pytańnie ratyfikacyi. Reč u tym, što Biełaruś dobraachvotna prapanavała Kijocki pratakoł sa svaimi papraŭkami, i hetyja papraŭki pakul abmiarkoŭvajucca krainami‑ŭdzielnicami.
«My pavinny być hatovyja da momantu, kali adzinka vykidu parnikovaha hazu budzie kaštavać značna daražej.»
Hrošy, jakija atrymaje Biełaruś ad vykanańnia pratakołu, pojduć zbolšaha na madernizacyju enerhietyki, žyllova‑kamunalnaj haspadarki, pramysłovaści i sielskaj haspadarki, što daść dadatkovy enerhietyčny i ekalahičny efekt.
