Ustanoŭleny pamier štomiesiačnych dapłat da taryfnych stavak (akładaŭ) dla rabotnikaŭ ustanoŭ adukacyi, arhanizacyj fizičnaj kultury i sportu, finansujemych ź biudžetu Minska.
Adpaviednaje rašeńnie Minskaha haradskoha Savieta deputataŭ numar 379 ad 23 śniežnia aficyjna apublikavana 18 studzienia na Nacyjanalnym pravavym internet-partale.
Dla nastaŭnikaŭ usich śpiecyjalnaściej, vykładčykaŭ, kiraŭnikoŭ ustanoŭ adukacyi štomiesiačnyja dapłaty pavialičany z 240 tys. da 390 tys. Takaja ž suma praduhledžana i dla vychavalnikaŭ dziciačych sadoŭ, muzyčnych kiraŭnikoŭ, trenieraŭ. U hetym pieraliku taksama piedahohi-arhanizatary, piedahohi sacyjalnyja, mietadysty, kiraŭniki fizičnaha vychavańnia, instruktary pa fizičnaj kultury, kancertmajstry, akampanijatary, piedahohi dadatkovaj adukacyi, kultarhanizatary, piedahohi-psichołahi, majstry vytvorčaha navučańnia.
Uračy, instruktary-mietadysty fizičnaj reabilitacyi, siaredni miedycynski piersanał, što pracujuć u staličnych ustanovach adukacyi, buduć štomiesiac atrymlivać dapłatu ŭ pamiery 260 tys., biblijatekary i pamočniki vychavalnikaŭ — 195 tys.