Prezident Ukrainy Viktar Janukovič padpisaŭ zakony ab «amnistyi» i ab admienie pryniatych 16 studzienia «zakonaŭ pra dyktaturu». Pra heta paviedamlaje pres-słužba prezidenta.
Janukovič taksama padpisaŭ čatyry zakony, jakija parłamient 28 studzieni pryniaŭ na zamienu admienienym ad 16 studzienia.
30 studzienia pres-słužba prezidenta paviedamiła, što Viktar Janukovič pajšoŭ na balničny, u jaho prastuda.
Unačy 29 studzienia deputaty 232 hałasami padtrymali prajekt zakona № 4021-3 «Ab likvidacyi niehatyŭnych nastupstvaŭ i niedapuščeńni pieraśledu i pakarańnia z nahody padziej, jakija mieli miesca padčas praviadzieńnia mirnych schodaŭ», prapanavany pradstaŭnikom prezidenta Ukrainy ŭ parłamiencie Juryjem Mirašničenkam.
U im amnistyja «pryviazvajecca da stanoŭčaj dynamiki pa razbłakavańni budynkaŭ», tłumačyŭ raniej Mirašničenka, udakładniŭšy, što dziaržaŭnyja ŭstanovy pavinny być vyzvalenyja i ŭ Kijevie, i ŭ rehijonach.
Viarchoŭnaja Rada 28 studzienia admianiła zakony, jakija abmiažoŭvali hramadzianskija svabody hramadzian i byli pryniatyja 16 studzienia «ŭ ručnym režymie».
