12 sakavika pažarnyja pryjechali pa vykliku na vulicy Pančanki, 78, dzie hareła kvatera. Kali pažar patušyli, vyratavalniki vyjaŭvili ślady ŭzłomu ŭvachodnych dźviarej i padpał žytła.
Haspadary zajavili, što źnikli kalekcyi siarebranych maniet, załatych juvielirnych upryhožańniaŭ, bujnaja suma ŭ valucie.
U toj ža dzień zatrymali padazravanaha. I zaviali kryminalnuju spravu za kradziež.
«Padčas pieršapačatkovych śledčych dziejańniaŭ zatrymany pryznaŭsia adnosna kradziažu, pakazaŭ miesca, dzie lažali skradzienyja kaštoŭnaści. Uzharańnie kvatery patłumačyŭ ułasnaj nieaściarožnaściu, źviazanaj z kureńniem, — zajaviŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ. — Adnak u śledčych jość padstavy ličyć, što padazravany šlacham padpału sprabavaŭ schavać ślady svajho niezakonnaha znachodžańnia ŭ čužoj kvatery».
U adnosinach da minčuka zaviedziena jašče adna sprava — za naŭmysnaje źniščeńnie majomaści. Jon znachodzicca pad vartaj. Pravodziacca pravierki, ustanaŭlivajecca dakładnaja suma škody.
Haspadary kvatery ŭ 2011 hodzie pastavili aŭtanomnyja pažarnyja apaviašvalniki. Ale pry ahladzie kvatery pažarnyja vyjavili, što apaviaščalniki byli kimści źniatyja.