Byłoha hienieralnaha dyrektara baskietbolnaha kłuba «Cmoki-Minsk» Kanstancina Šaravieru zatrymali pa padazreńni ŭ kradziažy srodkaŭ u asabliva bujnych pamierach i pieravyšeńni słužbovych paŭnamoctvaŭ, paviedamlaje telekanał ANT.
By.tribuna.com
Suma ŭronu pakul nie nazyvajecca. Taksama stała viadoma, što Šaraviera ŭziaty pad vartu. Jamu pahražaje da 12 hadoŭ pazbaŭleńnia voli. Pa materyjałach upraŭleńnia pa baraćbie z ekanamičnymi złačynstvami HUUS Minharvykankama Śledčy kamitet zavioŭ kryminalnuju spravu ŭ dačynieńni da byłoha hiendyrektara «Cmokaŭ».
Raniej paviedamlałasia, što siońnia zasnavalniki «Cmoki-Minsk» zadavolili zajavu Kanstancina Šaraviery ab sychodzie sa svajoj pasady hienieralnaha dyrektara kłuba z farmuloŭkaj «pa stanie zdaroŭja ŭ suviazi z dasiahnieńniem piensijnaha ŭzrostu». V.a. hienieralnaha dyrektara «Cmoki -Minsk» pryznačany Juryj Šakoła.