Na fonie damoŭlenaściaŭ ab deeskałacyi, dasiahnutych napiaredadni ŭ Ženievie, Rasija pryznała ŭzmacnieńnie svajho vajennaha kantynhientu pablizu miežaŭ z Ukrainaj.
Pra heta zajaviŭ pres-sakratar prezidenta RF Dźmitryj Piaskoŭ u efiry telekanała «Rasija 1». Jon paviedamiŭ, što dadatkova da častak, jakija pastajanna dysłakujucca ŭ zachodnim rehijonie Rasii, z-za padziej va Ukrainie da miažy ź joj pieradysłakavanyja dadatkovyja siły.
«Jość vojski ŭ rajonie ŭkrainskaj miažy. Adny vojski, dysłakavanyja tam na pastajannaj asnovie. Inšyja — nakiravanyja dla ŭzmacnieńnia, uličvajučy toje, što adbyvajecca ŭ samoj Ukrainie — … krainie, dzie tolki što adbyŭsia vajenny pieravarot», — zajaviŭ Piaskoŭ. Pavodle jaho słoŭ, takim čynam Rasija prymaje «miery zaściarohi ŭ płanie zabieśpiačeńnia svajoj biaśpieki». Piaskoŭ taksama adznačyŭ, što Rasija źjaŭlajecca suvierennaj dziaržavaj, a tamu volnaja ŭ pryniaćci rašeńniaŭ, dzie i ŭ jakoj kolkaści mohuć być dysłakavanyja jaje vojski na jaje terytoryi.
U toj ža čas pres-sakratar Pucina zapeŭniŭ, što na ŭschodzie Ukrainy niama prysutnaści ŭzbrojenych sił RF.