Alaksandr Łukašenka daručyŭ uradu ŭ cełym i Ministerstvu adukacyi ŭ pryvatnaści padrychtavać płan karekciroŭki nacyjanalnaj sistemy adukacyi.
«Naša adukacyja maje patrebu ŭ karekciroŭcy, nie skažu, što nam patrebnyja niejkija reformy, — zaznačyŭ prezident. — Ja narod supakoiŭ, usich, u kaho dzieci, unuki, što nijakich reform u adukacyi nam siońnia nie treba <…> Treba pačyścić, skaardynavać, pahladzieć, što treba zrabić u adukacyi. Davajcie składziem płan na try hady napierad, kab ludzi razumieli i viedali, što nam treba zrabić, zajmiciesia hetym va ŭradzie i Ministerstvie adukacyi».
Łukašenka nahadaŭ, što ŭ Biełarusi siońnia «mienš patrebnyja ludzi z vyšejšaj adukacyjaj», a bolš ludziej nieabchodna nakiroŭvać u prafiesijna-techničnyja navučalnyja ŭstanovy. «Dyk davajcie nakirujem», — skazaŭ kiraŭnik dziaržavy.