Pravaabaronca Aleś Bialacki aficyjna vyzvaleny pa amnistyi. Pra svajo vyzvaleńnie jon daviedaŭsia ŭranku. Da elektryčki jaho vieźli na mašynie «chutkaj dapamohi». A 15.05 Bialacki prybyŭ u Minsk na stancyju «Instytut Kultury».
Bialacki na voli — pieršyja kadry.
Pieršaje intervju Bialackaha paśla vyzvaleńnia.
Aleś Bialacki prybyŭ u Minsk — fotarepartaž.
15.14
Bialacki na płatformie ŭ atačeńni žurnalistaŭ.
15.12
Pravaabaronca prybyŭ u Minsk.
15.03
Čakaje na płatformie žonka Alesia Bialackaha Natalla Pinčuk.
14.45
Na stancyi ŭžo sabrałosia šmat žadajučych pryvitać Bialackaha.
13.15
Aleś Bialacki patelefanavaŭ žoncy Natalli Pinčuk, što jon vyzvaleny i jedzie ŭ Minsk na elektryčcy z Babrujska.
«Ja jechała ŭ viosku i nie dajechała. Aleś patelefanavaŭ. Skazaŭ, što jedzie na elektryčcy ŭ Minsk. Ja terminova raźviarnułasia i viartajusia ŭ Minsk», — raskazvaje žonka pravaabaroncy Natalla Pinčuk.
Žonka Mikoły Statkieviča Maryna Adamovič paviedamiła, što elektryčka ź Bialackim prybudzie na stancyju «Instytut kultury» a 15:05.
***
Kiraŭnika začynienaha ŭładami pravaabarončaha centra «Viasna» zatrymali 4 žniŭnia 2011 hoda. Šmat hadoŭ jon źbiraŭ hrošy na dapamohu represavanym i ich siemjam. A ŭłady jaho źvinavacili ŭ niaspłacie padatkaŭ i asudzili na 4,5 hoda turmy. Pravaabaronca svajoj viny nie pryznaŭ i dakazaŭ, što ŭsie atrymanyja hrošy išli na pravaabarončuju dziejnaść.
Hramadskaść uspryniała jahonaje źniavoleńnie jak sprobu zastrašyć niezaležnaje hramadstva. Jeŭrasajuz i ZŠA taksama dabivalisia jahonaha vyzvaleńnia.
Padstavaj dla kryminalnaha pieraśledu Bialackaha stała infarmacyja pra bankaŭskija rachunki, jakuju pieradali aficyjnamu Minsku Litva i Polšča.
U 2012 i 2013 hadach Aleś Bialacki byŭ naminavany na Nobieleŭskuju premiju miru.
