Prezident Ukrainy Piotr Parašenka pravioŭ sustreču z nanova pryznačanymi členami Nacsavieta pa pytańniach telebačańnia i radyjoviaščańnia i daručyŭ im zaniać žorstkuju pazicyju ŭ vobłaści infarmacyjnaj biaśpieki krainy.
«My ŭsie razumiejem, što siońnia idzie vajna za našu niezaležnaść», — zajaviŭ Parašenka. Pavodle jaho słoŭ, papiaredni skład Nacsavieta byŭ simvałam karupcyi, cenzury, cisku na srodki masavaj infarmacyi.
Pierad novym Nacsavietam stajać nadzvyčaj składanyja zadačy, adznačyŭ Parašenka, i, kali va ŭmovach miru hałoŭnaje — zabieśpiačeńnie pryncypaŭ demakratyi, svabody słova, zamacavańnie jeŭrapiejskich kaštoŭnaściaŭ u teleradyjoprastory, to siońnia na pieršy płan vyjšli pytańni infarmacyjnaj biaśpieki.
Prezident Ukrainy padkreśliŭ, što Nacsaviet pavinien zaniać žorstkuju pazicyju ŭ halinie infarmacyjnaj biaśpieki, bo Ukrainie supraćstaić «vielmi dobra raspracavanaja prapahandysckaja mašyna».
«Nasielnictva Danbasa patrabuje praŭdzivaj infarmacyi pra Ukrainu», — skazaŭ jon.
U suviazi z hetym Parašenka adznačyŭ važnaść raspracoŭki prahramy śpiecyjalnaha infarmacyjnaha viaščańnia dla Danbasa. Pavodle jaho słoŭ, nielha dapuścić skažeńnia faktaŭ u infarmavańni ab chodzie padziej u Łuhanskaj i Danieckaj abłaściach.
