U nastupnym hodzie ŭ Minsku na praśpiekcie Pieramožcaŭ, 9 płanujecca adkryć kompleks, u jaki ŭvojduć handlova-zabaŭlalny centr «Galleria Minsk», hatel pad brendam viadomaha mižnarodnaha haściničnaha apieratara «Chiłtan» i parkinh ahulnaj płoščaj kala 100 tys. kv m, piša BiełTA.
Niaŭžo z nastupnaha hoda kultavamu dla častki biełarusaŭ «Akropalisu» možna budzie skazać «Byvaj»?
Čakajecca, što novy abjekt stanie jašče adnym punktam pryciahnieńnia, pryčym nie tolki dla amataraŭ šopinhu, ale i dla dziełavych ludziej.
U handlova-zabaŭlalnym centry budzie kala 160 kram, kaviarniaŭ, restaranaŭ. STAA «Halereja Kancept», jakoje vystupaje zakazčykam prajektavańnia i budaŭnictva abjekta, płanuje pryciahnuć u centr mižnarodnych apierataraŭ handlovych sietak.
«Kali ŭsio atrymajecca, to, ja spadziajusia, što biełarusam bolš nie daviadziecca jeździć u Polšču, Litvu na zakupy. Im budzie dadzieny ŭvieś śpiektr mahčymaściej pakupak usich tych brendaŭ, pa jakija jany adpraŭlajucca za miažu. Pieramovy z takimi kampanijami ŭžo viaducca»,
— raspavioŭ dyrektar STAA «Halereja Kancept» Uładzimir Chiejfiec.
Akramia taho, u składzie kompleksu budzie čatyrochzorkavaja haścinica «Chiłtan Dabł Try» na 194 numary z kanfierenc-załaj, bał-rumam dla ŭračystych mierapryjemstvaŭ i skaj-baram na apošnim paviersie — z panaramnym vidam na histaryčny centr horada.
Uładzimir Chiejfiec čakaje, što źjaŭleńnie ŭ Minsku jašče adnoj haścinicy, dzie možna pravodzić biźnies-mierapryjemstvy vysokaha ŭzroŭniu, paspryjaje rostu biznes-aktyŭnaści ŭ krainie.
