Alaksandar Kazulin |
Minskija ŭłady nie dazvolili nivodzin z troch zajaŭlenych pikietaŭ u padtrymku eks‑kandydata ŭ prezidenty lidera Biełaruskaj sacyjał‑demakratyčnaj partyi (Hramada) Alaksandra Kazulina ŭ dzień jaho naradžeńnia — 25 listapada. Pra heta BiełaPAN paviedamiŭ namieśnik staršyni BSDP (Hramada) Ihar Rynkievič.
Pikiety płanavałasia pravieści ŭ miescach, śpiecyjalna vydzielenych dla takich akcyj Minharvykankamam, — na płoščy Banhałor, u parku imia 50‑hodździa Kastryčnika i na placoŭcy kala cyrka šapito pa vulicy Arłoŭskaja.
«Park Družby narodaŭ ź niezrazumiełaj pieryjadyčnaściu «zakryvajuć na ramont», — zaznačyŭ I.Rynkievič. «U suviazi z tym, što na terytoryi parku Družby narodaŭ «budzie pravodzicca biahučy ramont pakryćcia, elemientaŭ dobraŭparadkavańnia i architekturnych form», Minharvykankam nie dazvoliŭ praviadzieńnie pikietaŭ na hetym miescy. U parku imia 50‑hodździa Kastryčnika taksama budzie pravodzicca niejki ramont», — paviedamiŭ I.Rynkievič.
Ihar Rynkievič |
Adnak samaja cikavaja situacyja, pavodle słoŭ I.Rynkieviča, skłałasia vakoł placoŭki kala cyrka šapito.
«Paśla taho jak my dastatkova paśpiachova praviali tam pikiet 24 kastryčnika, Minharvykankam admoviŭ nam z toj pryčyny, što praviadzieńnie hetaha mierapryjemstva nibyta stvoryć pieraškody piešachodnamu i transpartnamu ruchu ŭ rajonie vulicy Arłoŭskaja i praśpiekta Pieramožcaŭ», — skazaŭ I.Rynkievič.
Pavodle słoŭ namieśnika staršyni BSDP (Hramada), členy partyi 25 listapada majuć namier pryjści na płošču Banhałor i ŭ park imia 50‑hodździa Kastryčnika, kab pahladzieć, ci sapraŭdy tam viaducca niejkija raboty.
«Kali nie — składziem akt i budziem abskardžvać rašeńnie ab admovie ŭ praviadzieńni pikieta ŭ sudzie. A što tyčycca Arłoŭskaj, dyk hetaja admova budzie abskardžana ŭ lubym vypadku ŭ miesiačny termin», — zajaviŭ I.Rynkievič.