Pry avaryjnaj pasadcy pasažyrskaha samalota ATR-72 na Tajvani zahinuŭ 51 čałaviek, siamiora paranienyja, pieradaje Associated Press.
Pavodle dadzienych Taiwan News, incydent adbyŭsia na archipiełahu Penchu. Vydańnie pryvodzić inšyja ličby: z 58 čałaviek, jakija znachodzilisia na borcie, zahinuli ad 45 da 51.
Samalot naležyć avijakampanii TransAsia, jon raźbiŭsia, ździajśniajučy avaryjnuju pasadku ŭ aeraporcie na Penchu, udakładniaje «Interfaks» sa spasyłkaj na kitajskuju hazietu People's Daily China.
ATR-72 patrapiŭ u tajfun «Matmo» i paciarpieŭ krušeńnie la pasiołka Chuchsi, pieradaje Taiwan News. Jon ździajśniaŭ rejs z Haasiun ŭ horad Mahun, jaki znachodzicca na Penchu. Vylet adkłali na paŭtary hadziny z-za nialotnaha nadvorja.
Pa śviedčańniach vidavočcaŭ, samalot pasprabavaŭ ździejśnić vymušanuju pasadku i ŭpaŭ pobač ź vioskaj niepadalok ad aeraporta, paškodziŭšy dva damy. Piłot nie zmoh pasadzić samalot ź pieršaj sproby i vyrašyŭ pajści na druhi kruh. Paśla hetaha dyśpietčary stracili ź im suviaź.
U sacyjalnych sietkach źjavilisia fatahrafii ź miesca katastrofy:
