Adzin ź lidaraŭ bajavikoŭ ŁNR Ihar Bieźler («Bies») źnik z Horłaŭki.
Pra heta ŭ efiry Hromadske TV paviedamiŭ žurnalist telekanała «Doždž» Cimur Oleŭski sa spasyłkaj na infarmacyju ad zakładnikaŭ, jakija ŭtrymlivajucca ŭ Horłaŭcy.
«Ad adnaho z zakładnikaŭ atrymaŭ infarmacyju, što Bies źnik z Horłaŭki. Niejkim čynam źjechaŭ, nie viedaju, u jakim kirunku jon źjechaŭ. Kažuć navat, što jon užo moža navat u Rasii», — adznačyŭ Oleŭski.
Novym kamandziram bajevikoŭ staŭ namieśnik «Biesa» — «Bocman».
Pavodle Oleŭskaha, zaraz ŭ Horłaŭcy akramia zakładnikaŭ — hramadzian Ukrainy — užo jość i hramadzianin Šviecyi.
«Ich 17 čałaviek. Uvohule, nakolki viadoma, źbiralisia abmianiać 50 vajskoŭcaŭ na adnu Volhu Kułyhinu (saŭdzielnicu Biesa), jakaja znachodzicca ŭ kijeŭskim SIZA», — adznačyŭ Oleŭski.
Pavodle jaho słoŭ, «Bocman» pryhraziŭ, što ŭ vypadku šturmu Horłaŭki jon addaść zahad padarvać adzin z najbujniejšych chimičnych zavodaŭ va Ukrainie kancern «Styroł», jaki naležyć aliharchu Dz. Firtašu, i pačać rasstreł zakładnikaŭ ŭžo siońnia ŭviečary.
«Kancern Styroł» ŭ Horłaŭcy.
Na dumku žurnalista, taki scenar całkam mahčymy, pakolki pradpryjemstvy mahli zaminiravać zahadzia.
Tym nie mienš, Oleŭski čuŭ pra toje, što terarystam moža być pradastaŭleny kalidor dla adstupleńnia z Horłaŭki.
Oleŭski taksama paviedamiŭ, što avijaŭdar ŭkrainskich vojskaŭ nie nanios paškodžańniaŭ budynku milicyi ŭ Horłaŭcy.
Na ščaście nie nanios, adznačaje žurnalist i zaklikaje ŭkrainskich siłavikoŭ pryniać da viedama, što 17 zakładnikaŭ ŭtrymlivajucca mienavita ŭ hetym budynku — na pavierch nižej pad kabinietam Bieźlera («Biesa»).
Oleŭski taksama nahadaŭ, što siońnia ŭ vyniku avijaŭdaru zahinuła cyvilnaje nasielnictva — ad 20 da 30 zahinułych.