U Biełarusi 3 žniŭnia čakajecca małaja vobłačnaść, pieravažna biez apadkaŭ, paviedamili ŭ Respublikanskim hidramieteacentry.
Viecier prahnazujecca paŭdniova-ŭschodni, uschodni słaby da ŭmieranaha. Tempieratura pavietra ŭnačy składzie plus 14—21 hradus, dniom — ad 31 da 36 hradusaŭ vyšej za nul.
Taki charaktar nadvorja adpaviadaje čyrvonamu ŭzroŭniu niebiaśpieki. Abvieščana papiaredžańnie pra niebiaśpiečnuju mietearałahičnuju źjavu.
Taksama sinoptyki papiaredžvajuć, što na bolšaj častcy terytoryi Biełarusi nazirajecca vysokaja pažaraniebiaśpieka.
U suviazi z anamalnaj śpiakotaj ratavalniki Minskaj vobłaści nahadvajuć, što hramadzianam i jurydyčnym asobam zabaroniena znachodzicca ŭ lasach Biarezinskaha, Vałožynskaha, Lubanskaha, Słuckaha, Smalavickaha, Salihorskaha, Staradarožskaha, Staŭbcoŭskaha, Uździenskaha i Červieńskaha rajonaŭ. Aznačanaje abmiežavańnie ŭstanoŭlena rašeńniami miascovych vykanaŭčych i rasparadčych orhanaŭ. «U pažaraniebiaśpiečny pieryjad raźviadzieńnie vohniščaŭ u lasach i na tarfianikach zabaraniajecca», - padkreślili ŭ MNS.
