Napiaredadni municypalnych vybaraŭ u Rasii adbyvajecca ŭsio bolš kurjoznych historyj. Naprykład, u Kurhanskaj vobłaści adzin z kandydataŭ nie paznačyŭ u svaich dakumientach, što maje sudzimaść. «Niepamiatlivaha» kandydata ŭspomniŭ adzin z členaŭ abłasnoj vybarčaj kamisii, jaki paznaŭ u im byłoha «kalehu pa zonie».
Incydent adbyŭsia ŭ Makravusaŭskim rajonie Kurhanskaj vobłaści. U vybarčuju kamisiju pryjšła daviedka, u jakoj pakazana, što ŭ 1980 hodzie Uładzimir Murataŭ, vyłučany ad ŁDPR, vyzvaliŭsia ź miescaŭ pazbaŭleńnia voli, dzie adbyvaŭ pakarańnie za ciažkaje złačynstva.
Pry hetym ad pravaachoŭnych orhanaŭ paćvierdžańnia hetaj infarmacyi ŭ kamisiju nie pastupała. Adnak člen vybarčaj kamisii Makravusaŭskaha rajona, jaki taksama, darečy, pradstaŭlaje ŁDPR, paćvierdziŭ, što adbyvaŭ z Uładzimiram Muratavym pakarańnie ŭ kurhanskaj kałonii №1.
U ciapierašni čas abłasny vybarkam adpraviŭ zapyty va ŭpraŭleńnie FSB i kałoniju №1 dla pravierki infarmacyi ab sudzimaści kandydata ŭ kiraŭnika Makravusaŭskaha rajona Uładzimira Muratava. Zaŭvažym, što ŭ hetym rajonie vybary chacia b adbuducca ŭ adziny dzień hałasavańnia — 14 vieraśnia. Tamu što daloka nie va ŭsich rajonaŭ Kurhanskaj vobłaści jość takaja mahčymaść, pryčym źviazana heta, pa ironii losu, z sudzimaściami kandydataŭ.
Tak, u Kietaŭskim rajonie vybary pieraniesieny na 16 listapada. Heta adbyłosia z-za taho, što, pa-pieršaje, «Adzinaja Rasija» adklikała ŭsich svaich sudzimych kandydataŭ z municypalnych vybaraŭ, i, pa-druhoje, tam zarehistravany tolki adzin kandydat — dziejučy kiraŭnik municypalnaj adukacyi Siarhiej Kakoryn. Adnak na hetym ciažkaści hetaha rajona nie skančajucca: vyśvietliłasia, što i Kakoryn nie moža pretendavać na pasadu, pakolki ŭ jaho vyjaviłasia sudzimaść za śpiekulacyju, atrymanaja ŭ 1990 hodzie.
Varta padkreślić, što ŭsiaho ŭ Zaŭralli zryvajucca zapłanavanyja na 14 vieraśnia vybary ŭ 27 municypalnych utvareńniach i 20 sielskich dumach, dzie zafiksavany «niedabor kandydataŭ». Na heta paŭpłyvaŭ toj fakt, što Kurhanskaje rehijanalnaje adździaleńnie «Adzinaj Rasii» adklikaje z vybaraŭ u orhany miascovaha samakiravańnia 78 kandydataŭ, jakija nie paviedamili pra svaju sudzimaść.
