Z 1 kastryčnika ŭ aŭtadarožnych punktach propusku na miažy z Łatvijaj, Litvoj i Polščaj časova spyniajecca piešachodny ruch, paviedamili ŭ Dziaržpahrankamitecie Biełarusi.
«Sumiežnyja dziaržavy ŭžo papiaredžany ustanoŭlenym paradkam. Heta rašeńnie abumoŭlena adsutnaściu ŭ biełaruskich punktach propusku nieabchodnaj infrastruktury dla piešachodnaha ruchu: asobnych piešachodnych kalidoraŭ, asobnych terminałaŭ mytnaha i pamiežnaha afarmleńnia. Zaraz heta nie harantuje nieabchodny ŭzrovień biaśpieki piešachodaŭ i pastajanna stvaraje składanyja ŭmovy darožnaj abstanoŭki u punktach propusku, jakija raniej prajektavalisia vyklučna jak aŭtadarožnyja», — rastłumačyli ŭ pamiežnym viedamstvie.
U kamitecie dadali, što hetyja abstaviny byli šmatlikimi nahodami dla zvarotaŭ i skarhaŭ hramadzian, u tym liku zamiežnych, a taksama krytyčnych publikacyj u ŚMI. Akramia taho, nieabuładkavanaść kropak kantrolu pry roście papularnaści hetaha sposabu pierasiačeńnia miažy rehularna pravakavała stvareńnie čerhaŭ navat ź piešachodaŭ.
