93+
Hučyć finalny śvistok. Słavakija zasłužyła hetuju pieramohu. Čakajem vynikovuju pres-kanfierencyju, što skaža Hieorhij Kandraćjeŭ. Biełaruś sastupiła ź likam 1:3.
91+
1:3! Treci miač zabiŭ Stanisaŭ Šestak, jaki pierad hetym vyjšaŭ na zamienu.
90-aja chvilina
Da asnoŭnaha času matču dadadziena try chviliny.
87-aja
Sudździa, kaniečnie, pakazaŭ žoŭtuju kartku słavackamu futbalistu, ale ž miač zastavaŭsia ŭ biełarusaŭ. I jany mahli ŭciekčy ŭ vielmi niebiaśpiečnuju ataku. Sudździa chutčej pieraškodziŭ, čym dapamoh.
84-aja
Jaki ž niedarečny miač zalataje ŭ našu bramu. Paśla pieršaha ŭdaru pa varotach Žaŭnovu zdałosia, što miač lacić mima, adnak jon niečakana patrapiŭ u štanhu. Na dabivańni Marek Hamšyk udaryŭ mocna i dakładna pad samuju pierakładzinu - 1:2.
81-aja chvilina
Uzbadrylisia trybuny. Patrabujuć pieramohi.
79-aja
1:1!!! Adznačyŭsia Cimafiej Kałačoŭ, jak na zakaz! Asistencki bał na rachunku Stanisłava Drahuna.
77-aja
Apošniaja zamiena ŭ Biełarusi: Stasievič zamiest Šytava. Forvardaŭ u hulni my tak i nie dačakalisia. Nu što ž, Kandraćjeŭ praciahvaje ździŭlać.
76-aja
Dobry ŭdar Cimafieja Kałačova. Kozačyku nie atrymlivajecca zamacavać miač, ale na dabivańni našych nie było.
74-aja
Kandraćjeŭ usio bližej da adstaŭki.
72-aja
Padaŭlenaja krychu atmaśfiera na stadyjonie. Navat nie atrymlivajecca zavieści ludziej na padtrymku. Što skazać u matčach z Ukrainaj i Słavakija biełarusy byli nadzvyčaj słabymi.
67-aja
Sumna pryznavać, ale hoł absalutna zasłužany. Zusim nie bačna za košt čaho našy źbirajucca adyhryvacca. Chutčej słavaki zabjuć jašče adzin.
65-aja
Uładzimir Vajs zrabiŭ usio, što moh, kab Słavakija zabiła. Abaronca vydatna prajšoŭ na fłanzie i vykaciŭ miač na nahu Mareka Hamšyka. I forvard «Napali» robić «čornuju» dla nas spravu - 0:1.
62-aja chvilina
Nu narešcie i biełarusy naradzili bolš-mienš adekvatnuju ataku. Na apieratyŭny prastor, jak pryniata kazać u takija momanty vyrvaŭsia Miša Hardziajčuk. Udar užo pachvalna, ale mima.
61-aja
Žaŭnoŭ u jaki ŭžo raz za viečar ratuje Biełaruś. Na hety raz paśla ŭdara Kučki. Ščaście, što nikoha sa słavakaŭ nie było na dabivańni.
58-aja
Ihar Šytaŭ papiaredžany. 2:0 biełarusy vyjhrajuć pa žoŭtych kartkach.
57-aja chvilina
Zaŭziataram zdavałasia, što musiŭ być kutni, a zamiest hetaha bielhijski arbitr pastaviŭ udar ad varot. Stadyjon niezadavolena hudzić.
55-aja
Zamiest Jahora Filipienki, jaki atrymaŭ paškodžańnie vyjšaŭ Dzianis Palakoŭ. Zamiena pa pazicyi.
52-aja
Znoŭ słavaki vychodzili na dobruju pazicyju dla ŭdara. Adam Niemiec sprabavaŭ prycelna patrapić u daloki vuhał, ale miač z bramaj razyšoŭsia. Našy pakul pra ataki navat nie zadumvajucca. Niaŭžo hulajuć na 0:0?
49-aja
Dźmitryj Vierchaŭcaŭ pabačyŭ pierad saboj žoŭtuju kartku. Pieršaje papiaredžańnie ŭ matčy.
47-aja
Prosta škalarskuju pamyłku dapuskajuć našy centralnyja abaroncy, vyvodziačy na zabojnuju pazicyju Hamšyka. Ale supraćstajańnie sa słavakam znoŭ vyjhraje Žaŭnoŭ. Juryj siońnia bolš čym u paradku.
46-aja
Pačaŭsia druhi tajm. Biełarusy zrabili zamienu: Bresana pamianiali na Michaiła Hardziejčuka. Zbornaja praciahvaje hulać biez čystych napadajučych.
Pierapynak
Fan-siektar zaciahnuŭ «Troch čarapach». «Ty nie čakaj, siurpryzaŭ nie budzie» - hałoŭny matyŭ siońniašniaj sustrečy ci jak? A śpiavajuć pryhoža.
Pierapynak
Taksama ŭ našaj hrupie siońnia hulajuć Ispanija i Luksiemburh. «Čyrvonaja furyja» pakul upeŭniena pieramahaje Luksiemburh paśla pieršaha tajma - 2:0.
45-aja
Pieršy tajm skončyŭsia. Samy vierny momant u im upuściŭ u samym pačatku Marek Hamšyk. A biełarusy nivodnaha «vierniaka» tak i nie stvaryli. Pierapynak. Pakul - 0:0.
43-aja
Juryj Žaŭnoŭ pakul hulaje absalutna biezdakorna.
39-aja
Pad kaniec tajma biełarusy nanieśli bolš-mienš adekvatny ŭdar pa bramie Kozačyka. Z-za miežaŭ štrafnoj da miača prykłaŭsia Kałačoŭ, ale bramnik u vuhle vyciahnuŭ miač.
36-aja
Paśla praciahłaha rozyhryšu vuhłavoha miač adskočyŭ da Maksima Bardačova, ale ŭdar abaroncy byŭ pa ptuškach.
32-aja
«My razam, nas mnoha, za nami pieramoha», - śpiavaje B-12. Słavaki starajucca nie adstavać, vykonvajučy niešta viasioleńkaje na svajoj movie.
30-aja chvilina
Viedajecie, nie skazaŭ by, što słavaki vielmi ŭpeŭniena hladziacca ŭ pazicyjnych atakach. Mabyć, stychija našych haściej usio ž hulnia na kontratakach, a voś u hulni ź Biełaruśsiu davodzicca hulć pieršym numaram, tamu i ŭźnikajuć peŭnyja prablemy.
24-aja chvilina
Na fan-siektary hučyć «Chočam, možam, pieramožam». Praŭda, futbalistam treba pa varotach bić, kab pieramahać. Pakul udaraŭ kot napłakaŭ.
20-aja
Ničoha cikavaha na poli nie adbyvajecca. Našym krychu atrymałasia pieravieści hulniu ŭ centr.
15-aja chvilina
Ukraincy siońnia znoŭ atrymali pieramohu. U Lvovie jany byli macniej za makiedoncaŭ - 1:0. Adziny hoł u matčy na rachunku Sidarčuka, jaki adznačyŭsia i ŭ Minsku.
Niečakany vynik matča Rasija - Małdova - 1:1.
11-aja
Mahčyma, takaja maleńkaja naviedvalnaść matču adkaz na słovy Cimocha Kałačova. Kapitan zbornaj, jak pamiatajem, zajaviŭ, što zaŭziatary, jakija kiepska pieražyvali za zbornuju, - adna z pryčynaŭ parazy.
9-aja
Udar u adkaz Bresana asablivaj niebiaśpieki nie nios. Pačatak za słavakami.
8-aja chvilina
Jašče adzin supiermomant u haściej. Absalutnym cudam Juryj Žaŭnoŭ vyciahvaje miač paśla padačy vuhłavoha i ŭdara Hamšyka.
7-aja chvilina
Słavaki atrymali prava na vielmi niebiaśpiečny štrafny. Na ščaście, pakul praniasło.
6-aja
Ź siektara B-12 čujecca ŭ asnoŭnym «Biełarusy». Na žal, «Žyvie Biełaruś» my siońnia naŭrad ci pačujem, ale heta naturalna.
4-aja
Skład biełaruskaj zbornaj: Žaŭnoŭ, Filipienka, Vierchaŭcoŭ, Martynovič, Bardačoŭ, Šytaŭ, Drahun, Bałanovič, Kryviec, Kałačoŭ, Bresan.
Zbornaja znoŭ hulaje ź piaćciu abaroncami, a rolu napadajučaha vykonvaje naminalny paŭabaronca Bresan. Čamuści Mikałaja Januša navat niama ŭ zapasie.
3-aja
Prykładna tyja samyja trysta čałaviek prychali sa Słavakii. Jany, jak ni dziŭna, raźmieščanyja nie ŭ haściavym siektary, a raskidanyja pa centralnych siektarach. Viaduć siabie vielmi družalubna, fotkajucca, ŭśmichajucca.
2-aja chvilina
Hledačoŭ siońnia tysiačy 3-4, nie bolš. Zusim panyłaje ŭražańnie pakidajuć trybuny. U siektary B-12 čałaviek 200-300.
1-aja chvilina
Hulnia pačałasia. Biełarusy raźviali miač. Našy ŭ biełaj formie. Słavaki - u siniaj.
***
Siońnia zbornaja Biełarusi pa futbole praviadzie treci matč u ramkach adboračnaha turniru da čempijanatu Jeŭropy pa futbole. Nahadajem, što ŭ papiarednich matčach biełarusy spačatku zhulali ŭničyju ź Luksiemburham – 1:1, a ŭ minuły čaćvier sastupili Ukrainie – 0:2.
Hałoŭny trenier nacyjanalnaj zbornaj Biełarusi Hieorhij Kandraćjeŭ paabiacaŭ u vypadku parazy padać u adstaŭku.
A voś u słavakaŭ usio ŭ šakaładzie. Jany atrymali dźvie minimalnyja pieramohi nad Ukrainaj – 1:0 i Ispanijaj – 2:1. Faktyčna na siońniašni dzień hulajuć pieršaja (Słavakija) i apošniaja (Biełaruś) kamandy hrupy.