Ź siońniašniaha dnia, 17 śniežnia, admienienaja bolšaść staradaŭnich lhotaŭ. Siarod ich ilhotny prajezd u transparcie dla studentaŭ i pensijaneraŭ, a taksama lhotnyja ceny na medykamenty i azdaraŭleńnie dla małamajomnych.
Nie zabudźciesia, što lhotnyja bilety na prajezd ź siońniašniaha dnia bolš nia dziejničajuć.
* * *
A. Łukašenka 14 śniežnia padpisaŭ ukaz numar 638 "Ab niekatorych mierach dziaržaŭnaj padtrymki nasielnictva", paviedamlaje BIEŁTA.
Dakumient zakanadaŭča zamacoŭvaje paradak i ŭmovy pradastaŭleńnia hramadzianam dziaržaŭnaj padtrymki ŭ suviazi z uparadkavańniem sacyjalnych ilhot u respublicy.
Dziaržaŭnaja padtrymka nasielnictvu budzie akazvacca ŭ formie adrasnaj sacyjalnaj dapamohi ŭ vyhladzie štomiesiačnaha i (abo) adnarazovaj sacyjalnaj dapamohi. Jana budzie vydzialacca na nabyćcio praduktaŭ charčavańnia, lekavych srodkaŭ, techničnych srodkaŭ sacyjalnaj reabilitacyi, adzieńnia, abutku, prajaznych biletaŭ, školnych pryład i na inšyja patreby dla zabieśpiačeńnia narmalnaj žyćciadziejnaści.
Hramadzianam taksama buduć vydzialacca bieznajaŭnyja žyllovyja subsidyi dla častkovaj kampiensacyi płaty za karystańnie žyłymi pamiaškańniami, ich techničnaje absłuhoŭvańnie, kamunalnyja pasłuhi (haračaje i chałodnaje vodazabieśpiačeńnie, kanalizacyja, haz, elektryčnaja i ciepłavaja enierhija, karystańnie liftami, vyvaz i abiasškodžvańnie ćviordych bytavych adchodaŭ) i adličeńniaŭ na kapitalny ramont.
Prava na štomiesiačnuju sacyjalnuju dapamohu majuć siemji i hramadzianie, jakija pražyvajuć asobna abo viaduć raździelnuju haspadarku, siaredniedušavy dachod jakich pa abjektyŭnych pryčynach nie pierasiahaje 100 pracentaŭ najbolšaj vieličyni zaćvierdžanaha ŭradam biudžetu pražytačnaha minimumu ŭ siarednim na dušu nasielnictva za dva apošnija kvartały.
Prava na adnarazovuju sacyjalnuju dapamohu majuć siemji i hramadzianie, siaredniedušavy dachod jakich nie pierasiahaje 120 pracentaŭ najbolšaj vieličyni biudžetu pražytačnaha minimumu ŭ siarednim na dušu nasielnictva, zaćvierdžanaha ŭradam Biełarusi, za dva apošnija kvartały.
Bieznajaŭnyja žyllovyja subsidyi buduć pradastaŭlacca siemjam i hramadzianam pry ŭmovie, kali suma płaty za kamunalnyja pasłuhi i za karystańnie žyłym pamiaškańniem, jaho techničnaje absłuhoŭvańnie, adličeńniaŭ na kapitalny ramont u miežach 20 kv.m ahulnaj płoščy na kožnaha člena siemji, što pražyvaje ŭ žyłym pamiaškańni, pierasiahaje 20 pracentaŭ sukupnaha dachodu siemjaŭ i hramadzian, jakija pražyvajuć u horadzie abo pasiołku haradskoha typu, i 15 pracentaŭ dla sielskich žycharoŭ.
Ukaz zamacoŭvaje paradak źviartańnia za naznačeńniem dziaržaŭnaj adrasnaj sacyjalnaj dapamohi i bieznajaŭnych žyllovych subsidyj, vyznačaje pieralik dakumientaŭ, nieabchodnych dla naznačeńnia hetych vidaŭ dziaržaŭnaj dapamohi, a taksama paradak i terminy ich naznačeńnia i vypłaty.
Zajavu ab naznačeńni dziaržaŭnaj adrasnaj sacyjalnaj dapamohi nieabchodna padavać va ŭpraŭleńnie (adździeł) pa pracy, zaniataści i sacyjalnaj abaronie haradskoha (rajonnaha) vykanaŭčaha kamiteta pa miescy žycharstva, a zajavu na atrymańnie subsidyi - pa miescy žycharstva ŭ arhanizacyju, jakaja ažyćciaŭlaje ekspłuatacyju žyllovaha fondu (pry jaje adsutnaści - u miascovy vykanaŭčy i rasparadčy orhan). Błanki zajavy vydajucca hetymi orhanami (arhanizacyjami).
Rašeńnie ab naznačeńni dziaržaŭnaj adrasnaj dapamohi prymajecca pastajanna dziejučaj kamisijaj, stvoranaj rajonnym (haradskim) vykanaŭčym kamitetam z deputataŭ rajonnaha (haradskoha) Savieta deputataŭ, śpiecyjalistaŭ upraŭleńnia (adździeła) pa pracy, zaniataści i sacyjalnaj abaronie haradskoha (rajonnaha) vykanaŭčaha kamiteta, terytaryjalnaha centra sacyjalnaha absłuhoŭvańnia nasielnictva, pradstaŭnikoŭ inšych orhanaŭ miascovaha samakiravańnia, hramadskich abjadnańniaŭ. Rašeńnie ab naznačeńni subsidyi prymajecca miascovymi vykanaŭčymi i rasparadčymi orhanami pa pradstaŭleńniu arhanizacyi, jakaja ažyćciaŭlaje ekpłuatacyju žyllovaha fondu.
Słužbovyja asoby dziaržaŭnych orhanaŭ, inšych arhanizacyj niasuć adkaznaść za parušeńnie patrabavańniaŭ ukaza pry vyrašeńni pytańnia ab pradastaŭleńni dziaržaŭnaj padtrymki nasielnictvu. Pry hetym hramadzianie, jakija pretendujujuć na dziaržpadtrymku, abaviazany pradastavić dakładnyja źviestki ab dachodach i majomaści, što naležyć členam siemji (hramadzianinu) na pravie ŭłasnaści, źmianieńni składu siamji, a taksama inšyja źviestki, nieabchodnyja dla pradastaŭleńnia dziaržaŭnaj padtrymki. Za naŭmysnaje ŭtojvańnie abo pradstaŭleńnie niedakładnych źviestak siemji (hramadzianie) pazbaŭlajucca prava na zvarot pa dziaržpadtrymku i na jaje atrymańnie.
Dakumientam taksama praduhledžany ŭmovy, pry najaŭnaści jakich siamja (hramadzianin) nie zmohuć pretendavać na atrymańnie dziaržaŭnaj padtrymki.
Rastłumačeńnie hramadzianam i siemjam pytańniaŭ paradku i ŭmoŭ naznačeńnia i vypłaty dziaržaŭnaj padtrymki buduć ažyćciaŭlać miascovyja vykanaŭčyja i rasparadčyja orhany, inšyja arhanizacyi, jakija naznačajuć i vypłačvajuć dziaržaŭnuju adrasnuju sacyjalnuju dapamohu i bieznajaŭnyja žyllovyja subsidyi.
Ukaz ustupaje ŭ siłu z 17 śniežnia 2007 h. adnačasova z ustupleńniem ŭ siłu Zakona ad 14 červienia 2007 hoda "Ab dziaržaŭnych sacyjalnych ilhotach, pravach i harantyjach dla asobnych katehoryj hramadzian".
