Pa najaŭnaj infarmacyi, zavadatara adnaho z bandfarmiravańniaŭ Ihara Bieźlera «Biesa» likvidavali rasijskija śpiecsłužby.
Pra heta piša eks-daradca Minabarony Ukrainy, kiraŭnik Centra vajennaj reformy Alaksandr Daniluk.
«Pryčynaj zdareńnia stała admova padparadkoŭvacca rasiejskamu vajskovamu kamandavańniu, namier publična pryznać kantralavany bandfarmiravańniem Horłaŭska-Makiejeŭski kanhłamierat terytoryjaj Ukrainy i zaklikać inšych udzielnikaŭ bandfarmavańniaŭ da pošuku kampramisu z ukrainskaj uładaj», - paviedamlaje Daniluk.
Nahadajem, siońnia źjavilisia paviedamleńni ab źniščeńni hrupoŭki, jakaja padparadkoŭvałasia Bieźleru.
Častka bajevikoŭ pierajšli pad adzinaje kamandavańnie «DNR», častka źnikła, paviedamiŭ kaardynatar hrupy «Infarmacyjny supraciŭ» Dźmitryj Cimčuk na svajoj staroncy ŭ Facebook.
«U nas pakul niama infarmacyja, jakaja b paćviardžała śmierć Bieźlera», - kažuć u SBU.
