Litva budzie pastaŭlać zbroju dla Uzbrojenych sił Ukrainy. Ab hetym zajaviŭ prezident Ukrainy Piatro Parašenka pa vynikach sustrečy z prezidentam Litvy Dalaj Hrybaŭskajcie ŭ Kijevie.
fota z Twitter prezidenta Ukrainy
«My damovilisia ab padrychtoŭcy aficeraŭ i ŭdziele ŭ šmatnacyjanalnych vučeńniach na terytoryi Litvy, damovilisia ab supracoŭnictvie ŭ vajenna-techničnaj śfiery i kankretnych pastaŭkach kankretnych elemientaŭ ŭzbrajeńniaŭ dla Uzbrojenych sił. Ja dumaju, što heta kankretnaja demanstracyja padtrymki ŭ vielmi składanaj situacyi, u jakoj zaraz znachodzicca Ukraina z-za vajny, jakuju ahresar raźviazaŭ na ŭschodzie krainy «, - skazaŭ Parašenka.
Pavodle jaho słoŭ, taksama byli raspracavany kankretnyja vyniki pa pytańniach kibierbiaśpieki.
