Staršynia Nacyjanalnaj dziaržaŭnaj teleradyjokampanii Alaksandr Zimoŭski ŭznaharodžany ordenam Francyska Skaryny — "za vysokija dasiahnieńni ŭ prafiesijnaj dziejnaści, značny asabisty ŭniosak u padrychtoŭku i zabieśpiačeńnie paśpiachovaha ŭdziełu biełaruskich vykanaŭcaŭ u dziciačych konkursach pieśni "Jeŭrabačańnie". Ukaz ab uznaharodžańni padpisany 31 śniežnia, paviedamiła pres-słužba prezidenta.
Miedala Francyska Skaryny ŭdastojeny vykanaŭčy pradziusier pradziusierskaj hrupy hałoŭnaj dyrekcyi telekanała "Ład" NDTRK Ludmiła Baradzina i pieršy namieśnik ministra kultury Uładzimir Ryłatka.
Hanarovaje zvańnie "Zasłužany dziejač kultury Respubliki Biełaruś" prysvojena namieśniku staršyni NDTRK Juryju Azaronku.
"Za vysokaje vykanalnickaje majsterstva i pieramohu ŭ dziciačym konkursie pieśni "Jeŭrabačańnie-2007" Alaksieju Žyhałkoviču ab\jaŭlena padziaka prezidenta.
U liku tych, chto atrymali padziaku, — vykładčyk pa vakale Volha Uronskaja, chareohraf Alaksandr Miaženny, dyrektar — mastacki kiraŭnik Maładziožnaha teatra estrady Vasil Rainčyk.
