Varšava hatovaja da lubych prapanoŭ Ukrainy adnosna pastavak zbroi, skazaŭ u intervju polskamu radyjo RMF FM ministr nacyjanalnaj abarony Tomaš Siamoniak.
«Naša pramysłovaść adkrytaja. My adkrytyja da lubych zamovaŭ z boku Ŭkrainy», — skazaŭ ministr.
Polski tank Leopard 2.
Taksama ŭkrainskija vajskoŭcy ŭžo ŭ bližejšy termin atrymajuć novy ryštunak, zimniuju ŭniformu i charčovyja pajki standartaŭ NATA, piša partał polska-zbrojna.pl paśla sustrečy ministra abarony Polščy Tomaša Siamoniaka z pasłom Ukrainy ŭ Varšavie Andrejem Dziaščycaj.
Heta budzie druhi transpartny kanvoj, adpraŭleny Polščaj dla dapamohi ŭkrainskaj armii, paviedamiŭ pres-sakratar MA Polščy Jacek Zonta. Pieršaja takaja pastaŭka adbyłasia ŭ druhoj pałovie žniŭnia minułaha hodu, kali na baku rasijskich bajevikoŭ pačali vajavać i rehularnyja častki rasijskaj armii.
Ministr abarony i ambasadar abmierkavali pracu pa stvareńni sumiesnaj litoŭska-polska-ŭkrainskaj bryhady, damova pra farmavańnie jakoj była padpisana 19 vieraśnia 2014 hodu.
Mižnarodnaje vajskovaje złučeńnie musić składacca z 4.500 sałdat i raźmiaščacca ŭ Polščy. Dla Ŭkrainy stvareńnie bryhady - pierš za ŭsio mahčymaść padrychtoŭvać svaich aficeraŭ i sałdat pa standartach NATA i demanstracyja palityčnaj prychilnaści da ŭzajemadzieńnia z NATA.
