Ministerstva abarony Polšy atrymała prapanovy ad troch kampanij, jakija chočuć pryniać udzieł u konkursie na pastaŭku zbrojnym siłam krainy prykładna 70 vajenna-transpartnych viertalotaŭ, piša sajt defensenews.com.
EC-725 francuzskaj armii ŭ Afhanistanie.
Udzielnikami konkursu buduć jeŭrapiejskaja Airbus Helicopters, amierykanskaja Sikorsky i PZL-Swidnik, polskaje adździeleńnie italjanskaj kampanii AgustaWestland.
Airbus Helicopters prapanuje mašyny EC-725, Sikorsky — S70i Black Hawk (varyjant, jaki źbiraje ŭ Polščy kampanija PZL Mielec, «dačka» Sikorsky), PZL-Swidnik — AW-149. Usie jany — univiersalnyja viertaloty, jakija mohuć być madyfikavanyja pad patreby zamoŭcy.
Płanujecca, što zamova, abjom jakoj moža dasiahnuć 10 młrd złotych ($2,8 młrd), dazvolić palakam zamianić novaj technikaj savieckija viertaloty Mi-8, Mi-14 i Mi-17.
«Padpisańnie kantraktu… adbudziecca ŭ druhoj pałovie 2015 hoda», — skazaŭ pałkoŭnik Jacek Sońta (Jacek Sońta), pres-sakratar Ministerstva abarony Polščy.
