Biełaruskaja delehacyja voźmie ŭdzieł u samicie Uschodniaha partniorstva ŭ Ryzie tolki na raŭnapraŭnaj asnovie. Pra heta 8 lutaha ŭ efiry telekanała ANT zajaviŭ ministr zamiežnych spraŭ Biełarusi Uładzimir Makiej.
Makiej padkreśliŭ, što ŭ Biełarusi raźličvajuć, što delehacyja krainy budzie prymać udzieł u samicie. «Ale pry hetym my adnaznačna kažam našym jeŭrapiejskim partnioram, što my pavinny być zaprošanyja na raŭnapraŭnaj asnovie, my pavinny ŭdzielničać na raŭnapraŭnaj asnovie, kab u adnosinach da Biełarusi nie było nijakaj dyskryminacyi», — skazaŭ ministr.
Rašeńnie ab tym, chto ŭznačalić delehacyju, budzie pryniata paźniej, adznačyŭ Makiej.
Ministr dadaŭ, što Biełaruś praciahnie svoj udzieł u prahramie «Uschodniaje partniorstva» «da taho času, pakul budziem bačyć, što jana prynosić karyść».
