U klipie na pieśniu «Dni kiłomietry» źnialisia biełaruskija videabłohiery Dzima Jermuzievič i Alina Sołapava, jakija majuć na dvaich kala paŭmiljona padpisantaŭ na YouTube, raspaviadaje Jeŭraradyjo. Mahčyma, heta dapamahło videa nabrać za karotki termin vialikuju kolkaść prahladaŭ — 219 tysiač na momant napisańnia.
Klip zdymaŭsia na vulicach Minska. Režysioram vystupiŭ Maks Maksimaŭ.
Nastupny albom Nuteki, jaki pradstaŭlaje samotnik «Dni kiłomietry», budzie ruskamoŭnym. Reliz zapłanavany na maj. Paralelna hurt pracuje nad anhłamoŭnym albomam z 25 kampazicyj. Pieršaja ź jaho 4 častak była pradstaŭlenaja ŭ kastryčniku 2014 hoda.
***
Hurt Nuteki byŭ zasnavany ŭ 2007 hodzie ŭ Maskvie babrujčanami Michaiłam Nakarašvili i Kiryłam Maciušenkam. Hraje ŭ styli pop-rok, teksty pa-rusku i pa-anhlijsku. Vydaŭ try studyjnych albomy, dva mini-albomy i 5 samotnikaŭ, kancertny DVD i bolš za dziasiatak klipaŭ. Trojčy braŭ udzieł u nacyjanalnym adbory na «Jeŭrabačańnie», u 2013 hodzie zaniaŭ 2 miesca.
