Devid Kroŭfard, šmathadovy karespandent haziety The Wall Street Journal Europe, źbiraŭsia pryjechać u Biełaruś, kab raspavieści ab pracy arhanizacyi žurnalisckich rasśledavańniaŭ CORRECT!V, jakaja mieścicca ŭ Bierlinie i zajmałasia temaj krušeńnia małazijskaha avijałajnieru na ŭschodzie Ukrainy ŭ 2014 hodzie.
U sieradu arhanizatary sustrečy paviedamili, što ŭ samy apošni momant biełaruskija ŭłady admovili žurnalistu ŭ vydačy ŭjaznoj vizy.
«Što da sustrečy z Devidam Kroŭfardam u piatnicu, to jana nie admianiajecca, a prosta źmienić svoj farmat na vebinar. Viadomy žurnalist-daśledčyk vyjdzie na suviaź z prysutnymi i abiacaje padzialicca absalutna ŭsim zapłanavanym materyjałam i technałohijami. U subotu, 28 lutaha, u nas płanavaŭsia i majstar-kłas z Devidam. Jon, na žal, admianiajecca. Ale ŭsich, chto zapisaŭsia na majstar-kłas, my zaprašajem da ŭdziełu ŭ nie mienš cikavym ebinary ŭ piatnicu, 27 lutaha», — skazała kiraŭnik «Pres-kłuba Biełaruś» Julija Słuckaja.
Sustreča adbudziecca a 15-j hadzinie ŭ Halerei TUT.BY pa adrasie: pr-t Dziaržynskaha, 57, 9 pavierch.
Vieści sustreču zaprošanaja viadomaja ŭkrainskaja žurnalistka i błohierka Kryścina Bierdynskich, jakaja pracuje ŭ časopisie «Novoje vriemia» i viadzie prahramu «Hromadskoje na russkom» na adnajmiennym telekanale.
