Windows-płanšety z 32 Hb pamiaci praktyčna nie pakidali karystalniku volnaha miesca — apieracyjnaja sistema zajmała pałovu pamiaci. Microsoft paabiacała vypravić heta ŭ Windows 10.
Vyjava: Microsoft
Adzin sa šlachoŭ ekanomii miesca — ściskańnie fajłaŭ z dapamohaj Cleanup Utility. Prahrama dazvolić zekanomić 1,5 Hb dla 32-bitnaj sistemy i 2,6 Hb dla 64-bitnaj.
Druhi šlach — novaja sistema reziervnaha kapijavańnia. Ciapier sistema nie budzie ŭ ekstrannym vypadku adnaŭlacca z asobnaha virtualnaha dysku, a budzie nanoŭ «źbiracca» z prysutnych fajłaŭ. Heta dazvolić adnavić sistemu adrazu sa spampavanymi abnaŭleńniami i zekanomić ad 4 da 12 Hb pamiaci.
Ahułam z ustaloŭkaj Windows 10 zamiest Windows 8.1 uładalniki płanšetaŭ atrymajuć 5-10 Hb volnaha miesca.
***
Windows 10 była pradstaŭlenaja ŭvosień 2014 hoda. Jana budzie adzinaj dla nastolnych kampjutaraŭ, noŭtbukaŭ i vialikich płanšetaŭ, budzie ciesna intehravanaja sa smartfonami. Abnaŭleńnie da «dziasiatki» z Windows 7 i 8 budzie biaspłatnym. Finalnaja viersija budzie vypuščanaja ŭvosień 2015 hoda, papiaredniuju testavuju viersiju možna spampavać tut.