Kancern «Biellehpram» zaprašaje indyvidualnych pradprymalnikaŭ za kruhły stoł, jaki pavinien adbycca 27 sakavika.
Ab hetym paviedamiŭ siońnia žurnalistam staršynia kancerna Mikałaj Jafimčyk paśla cyrymonii adkryćcia XXXVI Mižnarodnaj vystavy-kirmašu «BiełTEKŚlehpram. Viasna».
«My zaprašajem indyvidualnych pradprymalnikaŭ za kruhły stoł, chacieli b pravieści narmalny dyjałoh. Tut pazicyja pavinna być uzajemnaj pavahi i razumieńnia, što ŭ kožnaha svoj biźnies», — adznačyŭ Mikałaj Jafimčyk. Na jaho dumku, dziejnaść usich udzielnikaŭ rynku pavinna być prazrystaj, ni ŭ kaho ź ich nie pavinna być asablivych pieravah.
«Usie pavinny być u roŭnych umovach, i ja dumaju, što my znojdziem ahulnuju movu, kali ludzi buduć chacieć heta zrabić», — padkreśliŭ staršynia kancerna.
Mikałaj Jafimčyk kanstatavaŭ, što mnohija pradprymalniki, asabliva siaredni i bujny biźnies, zhodny ź nieabchodnaściu realizacyi na terytoryi Biełarusi tolki tych tavaraŭ lohkaj pramysłovaści, jakaść jakich adpaviadaje techničnym rehłamientam Mytnaha sajuza i paćvierdžana dakumientalna. «Jany zhodny, tamu što nielha ŭvozić i pradavać našamu narodu toje, što nie adpaviadaje razumieńniu narmalnaha tavaru», — adznačyŭ jon.
***
XXXVI Mižnarodnaja vystava-kirmaš «BiełTEKŚlehpram. Viasna» projdzie ŭ Minsku 24-26 sakavika. U prahramie mierapryjemstva - pakaz kalekcyj adzieńnia dziełavoha stylu dla vučniaŭ ahulnaadukacyjnych ustanoŭ i kalekcyj dziciačaha adzieńnia dla sportu i adpačynku pradpryjemstvaŭ kancerna «Biellehpram», rabočaja sustreča pramysłovych pradpryjemstvaŭ i handlovych arhanizacyj pa pytańniach pastaŭki i nasyčeńnia ŭnutranaha rynku tavarami lohkaj pramysłovaści ajčynnaj vytvorčaści, sieminar na temu «Aptymizacyja sistemy zabieśpiačeńnia. Jak racyjanalna vykarystoŭvać schiemu kompleksnaha zabieśpiačeńnia šviejnych pradpryjemstvaŭ. Prablemy raboty z rasijskimi pastaŭščykami. Asnoŭny śpiektr pasłuh dla raźvićcia vytvorčaści».
