U Miadzielskim rajonie supracoŭniki DAI prymianili zbroju dla spynieńnia lichača. Incydent zdaryŭsia viečaram 31 sakavika.
Jak paviedamlaje ŭpraŭleńnie DAI UUS Minskaha abłvykankama, patrulujučy na słužbovym aŭtamabili «Škoda» vulicy vioski Zaśvir, inśpiektary DPS DAI Miadzielskaha RAUS ubačyli, jak sa stajanki zadnim chodam na vialikaj chutkaści na hałoŭnuju darohu, nie źviartajučy ŭvahi na prajazdžajučy transpart, vyjechaŭ aŭtamabil «Aŭdzi A6». Ad DTZ vyratavała reakcyja kiroŭcaŭ, jakija paśpieli zatarmazić.
Supracoŭniki DAI vyrašyli pravieryć, što stała pryčynaj takoha lichoha manieŭru. Uklučyŭšy probliskavyja majaki čyrvona-siniaha koleru, adzin ź inśpiektaraŭ vyjšaŭ z patrulnaha aŭtamabila i žezłam ukazaŭ kiroŭcu ab spynieńni. Toj nie padparadkavaŭsia i staŭ uciakać ad pieraśledu. Na pramych učastkach skoraść «Aŭdzi» dasiahała da 160 km/hadz. Vadziciel «padrezaŭ» milicejskuju «Škodu», nie dajučy siabie abahnać. Pahonia zaviaršyłasia ŭ Smarhonskim rajonie, kudy parušalnik zajechaŭ z dvuma prastrelenymi kołami.
Kali supracoŭniki milicyi pasprabavali dastać kiroŭcu z «Aŭdzi», toj trymaŭ dźviery znutry i admaŭlaŭsia vychodzić. Aprača jaho ŭ aŭtamabili byli jašče čaćviora chłopcaŭ. Padčas zatrymańnia vadziciel akazaŭ supraciŭleńnie, pavodziŭ siabie ahresiŭna, paškodziŭ formiennaje adzieńnie supracoŭnikaŭ.
Kiroŭcam byŭ 29-hadovy, nidzie nie pracujučy žychar Smarhoni, jaki ŭ lutym 2015 hoda ŭžo pryciahvaŭsia da administracyjnaj adkaznaści za pjanuju jazdu na hetym ža aŭtamabili. Ciapier u dačynieńni da jaho staić pytańnie ab raspačynańni spravy pa art. 317-1 KK z kanfiskacyjaj aŭtamabila, a mahčyma, i pa inšych artykułach kodeksa.
