Karykatura z sajta zeta.net
Antymanapolnaja kamisija Jeŭrasajuza vystaviła abvinavačvańni kampanii Google, piša Reuters.
Google padazrajecca ŭ vyviadzieńni svaich servisaŭ na pieršyja pazicyi ŭ pošukavikach, niahledziačy na ich jakaść i jakaść servisaŭ kankurentaŭ.
Akramia taho, kamisija viadzie asobnaje rasśledavańnie adnosna apieracyjnaj sistemy Android, jakuju raspracoŭvaje Google.
Kali abvinavačańni paćvierdziacca, Google zmusiać vypłacić 6 młrd jeŭra štrafu i źmianić svoj pryncyp pracy ŭ Jeŭropie.
Antymanapolnuju spravu suprać Google viadzie i Rasija. U lutym 2015 hoda kankurent Google, rasijski «Jandeks» paskardziŭsia ŭ antymanapolnuju słužbu na toje, što Google niby zabaraniaje ŭstaloŭku «z karobki» usich servisaŭ «Jandeks» na apieracyjnaj sistemie Android.
U 2004-m padobnaje pakarańnie było ŭžytaje da Microsoft — za parušeńnie antymanapolnaha zakanadaŭstva Jeŭrasajuza kampanija zapłaciła štraf 2,2 młrd jeŭra.