Pravasłaŭny śviatar Fiodar Poŭny ŭžo dziesiać hadoŭ vystupaje z propaviedziami na telekanale ANT. Apošnim časam niekatoryja jahonyja prahramy vychodziać pa-biełarusku. Z čym heta źviazana?
telegraf.by
«Pierachod (častkovy) na biełaruskuju movu byŭ vyklikany ahulnaj tendencyjaj straty kłasičnaj normy movy. Zaraz u biełaruskuju movu pranikaje ŭsio bolš pałanizmaŭ, jakija vydajuć za spradviečnyja biełaruskija słovy, — tłumačyć Fiodar Poŭny. — Stanovicca kryŭdna, što my hublajem sapraŭdnaje, prymajučy padrobku za praŭdzivaść. Ja naradziŭsia ŭ Biełarusi, u miescach, dzie šmat chto kazaŭ na biełaruskaj movie, heta maja rodnaja mova. Choć mianie časam čamuści ŭsprymali jak supiernika rodnaj movy.
Tak, jość mierkavańnie suprać biełaruskaj movy jak liturhičnaj, tamu što Boskaja liturhija maje svaju carkoŭnasłavianskuju movu, zrazumiełuju ŭsim uschodnim słavianam. Ale mnie bačycca važnym viedać svaju nacyjanalnuju movu, tamu što heta našy karani».
* * *
Historyja žyćcia ajca Fiodara — samaha paśpiachovaha biełaruskaha śviatara
