Siońnia na 68-m hodzie žyćcia ŭ aŭtakatastrofie trahična zahinuŭ zasłužany trenier Rasii Siarhiej Michaloŭ, paviedamiła pres-słužba «Sałavata Jułajeva».
Paviedamlajecca, što Michaloŭ viartaŭsia z Čelabinska, dzie adbyvałasia pachavańnie treniera Valeryja Biełavusava, jaki pamior 16 krasavika.
«Jon viartaŭsia z pachavańnia Biełavusava i trapiŭ u aŭtakatastrofu, u Čelabinskaj vobłaści, u rajonie horada Aša. Aŭtamabil, na jakim jechaŭ Siarhiej Michaloŭ, urezaŭsia ŭ furu, trenier pamior na miescy zdareńnia», - paviedamiŭ kiraŭnik pres-słužby ufimskaha kłuba Tałhat Zajnulin.
Nahadajem, što jak trenier Michaloŭ damohsia najbolšych pośpiechaŭ u «Sievierstali», jakuju davodziŭ da finału čempijanatu Rasii ŭ 2003 hodzie i «Sałavacie Jułajevie», ź jakim vyjhraŭ pieršaje ŭ historyi kłuba čempijonstva ŭ 2008 hodzie.
U apošni čas jon zajmaŭ u ŭfimskim kłubie pasadu daradcy pa spartyŭnych pytańniach.
